hichkiyan lete thay ali akbar
umme laila ye bain karti thi
poshak udhaloo ke mai armaan nikaloo
ay maut teher ja ay maut teher ja
mai apne jawan laal ko dulha to banaloo
ay maut teher ja...
is laal ko mai kaise karoo tere hawale
ye chand to deta hai zamane ko ujale
is chand ki poshak sitaron se sajaloo
ay maut teher ja...
athara baras phoolon ki tarha jise paala
jaata hai mujhe chod ke wo gaysuon wala
ab tu hi bata kaise mai is dil ko sambhaloo
ay maut teher ja...
dekhe thay bahot khaab magar khaak hue sab
is bete ke sehre ki dua karti thi zainab
dulah na sahi mai isay dulah sa banaloo
ay maut teher ja...
har shaam jise lagti hai ab shame ghariban
jo kehti thi akbar ki dulhan laaungi amma
us fatema sughra ko madine se bulaloo
ay maut teher ja...
qaime se zara door khade rote hai sarwar
ek haat kalaje pe hai ek haat kamar par
mai khud ko sambhaloo ke shahe deen ko sambhaloo
ay maut teher ja...
ye kiski nazar kha gayi is noore nazar ko
veeran kiye jaate hai akbar mere ghar ko
jee karta hai is chand ko dunya se chupaloo
ay maut teher ja...
zainab ke labon par hai buka haye muqaddar
kya sehra chadhaun mai teri laash pe akbar
aur khud ko teri laash pe sadqe hi utaroo
ay maut teher ja...
mehendi na lagi haaton may hai khoon badan ka
poshak-e-shahani ko mila daagh kafan ka
is laash pe athaarveen mannat ko badhaloo
ay maut teher ja...
taqdeer kisi maa ko ye manzar na dikhaye
mayyat pe jawan laal ke wo ashq bahaye
jee bhar ke isay dekhloo aur ashq bahaloo
ay maut teher ja...
faryad zara sunle sakina ki zubani
marjaungi bichda jo mera yusuf-e-saani
bhaiya mere naraaz hai mai unko manaloo
ay maut teher ja...
maa roti rahi mazhar o irfan tadap kar
aur aakhri hichki may safar kar gaye akbar
maa kehti rahi mai isay dulha to banaloo
ay maut teher ja...
ہچکیاں لیتے تھے علی اکبر
اُمِّ لیلیٰ یہ بین کرتی تھی
پوشاک اُڑھالوں کے میں ارمان نکالوں
اے موت ٹھہر جا اے موت ٹھہر جا
میں اپنے جوان لال کو دولہا تو بنا لوں
اے موت ٹھہر جا۔۔۔
اس لال کو میں کیسے کروں تیرے حوالے
یہ چاند تو دیتا ہے زمانے کو اُجالے
اس چاند کی پوشاک ستاروں سے سجا لوں
اے موت ٹھہر جا۔۔۔
اٹھارہ برس پھولوں کی طرح جسے پالا
جاتا ہے مجھے چھوڑ کے وہ گیسوئوں والا
اب تُو ہی بتا کیسے میں اس دل کو سنبھالوں
اے موت ٹھہر جا۔۔۔
دیکھے تھے بہت خواب مگر خاک ہوئے سب
اس بیٹے کے سہرے کی دُعا کرتی تھی زینب
دولہا نہ سہی میں اسے دولہا نہ بنا لوں
اے موت ٹھہر جا۔۔۔
ہر شام جسے لگتی ہے اب شام ِ غریباں
جو کہتی تھی اکبر کی دولہن لائوں گی اماں
اُس فاطمہ صغریٰ کو مدینے سے بُلا لوں
اے موت ٹھہر جا۔۔۔
خیمے سے ذرا دُور کھڑے روتے ہیں سرور
اک ہاتھ کلیجے پہ ہے اک ہاتھ کمر پر
میں خود کو سنبھالوں کے شاہِ دیں کو سنبھالوں
اے موت ٹھہر جا۔۔۔
یہ کس کی نظر کھا گئی اس نورِ نظر کو
ویران کیئے جاتے ہیں اکبر میرے گھر کو
جی کرتا ہے اس چاند کو دُنیا سے چھُپا لوں
اے موت ٹھہر جا۔۔۔
زینب کے لبوں پر ہے بُقا ہائے مقدر
کیا سہرا چڑھائوں میں تیری لاش پہ اکبر
اور خود کو تیری لاش پہ صدقے ہی اُتاروں
اے موت ٹھہر جا۔۔۔
مہندی نہ لگی ہاتھوں میں ہے خون بدن کا
پوشاک ِ شاہانی کو ملا داغ کفن کا
اس لاش پہ اٹھارویں منت کو بڑھا لوں
اے موت ٹھہر جا۔۔۔
تقدیر کسی ماں کو یہ منظر نہ دیکھائے
میت پہ جواں لال کے وہ اشک بہائے
جی بھر کے اسے دیکھ لوں اور اشک بہا لوں
اے موت ٹھہر جا۔۔۔
فریاد ذرا سُن لے سکینہ کی زبانی
مرجائوں گی بچھڑا جو میرا یوسف ِ ثانی
بھّیا میرے ناراض ہیں میں اُن کو منا لوں
اے موت ٹھہر جا۔۔۔
ماں روتی رہی مظہر و عرفان تڑپ کر
اور آ خری ہچکی میں سفر کر گئے اکبر
ماں کہتی رہی میں اسے دولہا تو بنا لوں
اے موت ٹھہر جا۔۔۔