zameene garm pa laasha pada hai akbar ka
salaam e ruqsat e aakhir hussain tak pahuncha
hai sakht aalam e ghurbat mein laal zehra ka
koi nahi jo bataye ke hai kahan laasha
hussain dhoond rahe hai pisar nahi milta
zameene garm pa...
zaeef baap ki nazrein jawan ka laasha
hai gham se surkh hussain e ghareeb ka chehra
sirhane baith ke paiham ye de rahe hai sada
hussain aaya hai milne jawab do beta
zameene garm pa...
khuda hi jaane ke shabbir kitne hai be-aas
na koi bhai na beta hai ab ghareeb ke paas
shadeed dhoop mein reh reh ke bad rahi hai pyaas
hussain kitne hai tanha bichad gaye abbas
zameene garm pa...
na jaane sakte mein kya sochta hai dil maa ka
jawan bete ka kya haal hai suno laila
nikaala bete ke seene se sheh ne jab naiza
lahoo mein zarkh hai laasha tumhare bete ka
zameene garm pa...
jigar ko thaame tadapti hai zainab e muztar
zameen pa baithi hai sakte mein ghamzada maadar
ye sochti hai kahan kho gaya mera dilbar
nazar ke saamne hai sirf soorat e akbar
zameene garm pa...
hai qaimagah mein har simt hashr ka samaan
shabihe husne payambar tha akbare zeeshan
behan ke dil mein tha bhai ke byaah ka armaan
sakina kehti hai bhaiya kahan gaye amma
zameene garm pa...
kaleja dekh ke bete ka dil tadapta tha
hussain dekhte thay aur ghar ujadta tha
tha aaftaab falak pa abhi ujaala tha
magar hussain ki aankhon mein bas andhera tha
zameene garm pa...
qadam hussain ke akhtar zamana choomega
maqam e arsh pa dekhegi sabr ko dunya
rahega lab pa fazaon ke har ghadi nauha
hussain uthayenge laasha jawan bete ka
zameene garm pa...
زمین گرم پہ لاشہ پڑا ہے اکبر کا
سلام رخصت آخر حسین تک پہنچا
ہے سخت عالم غربت میں لال زہرا کا
کوئی نہیں جو بتاے کہ ہے کہاں لاشہ
حسین ڈھونڈ رہے ہیں پسر نہیں ملتا
زمین گرم پہ۔۔۔
ضعیف باپ کی نظریں جوان کا لاشہ
ہے غم سے سرخ حسین غریب کا چہرہ
سرہانے بیٹھ کے پیہم یہ دے رہے ہیں صدا
حسین آیا ہے ملنے جواب دو بیٹا
زمین گرم پہ۔۔۔
خدا ہی جانے کہ شبیر کتنے ہیں بے آس
نہ کوئی بھائی نہ بیٹا ہے اب غریب کے پاس
شدید دھوپ میں رہ رہ کے بڑھ رہی ہے پیاس
حسین کتنے ہیں تنہا بچھڑ گےء عباس
زمین گرم پہ۔۔۔
نہ جانے سکتے میں کیا سوچتا ہے دل ماں کا
جوان بیٹے کا کیا حال ہے سنو لیلیٰ
نکالا بیٹے کے سینے سے شہ نے جب نیزہ
لہو میں غرق ہے لاشہ تمہارے بیٹے کا
زمین گرم پہ۔۔۔
جگر کو تھامے تڑپتی ہے زینب مضطر
زمیں پہ بیٹھی ہے سکتے میں غمزدہ مادر
یہ سوچتی ہے کہاں کھو گیا میرا دلبر
نظر کے سامنے ہے صرف صورت اکبر
زمین گرم پہ۔۔۔
ہے خیمہ گاہ میں ہر سمت حشر کا ساماں
شبیہ حسن پیمبر تھا اکبر زیشاں
بہن کے دل میں تھا بھای کے بیاہ کا ارماں
سکینہ کہتی ہے بھیا کہاں گےء اماں
زمین گرم پہ۔۔۔
کلیجہ دیکھ کے بیٹے کا دل تڑپتا تھا
حسین دیکھتے تھے اور گھر اجڑتا تھا
تھا آفتاب فلک پہ ابھی اجالا تھا
مگر حسین کی آنکھوں میں بس اندھیرا تھا
زمین گرم پہ۔۔۔
قدم حسین کے اختر زمانہ چومے گا
مقام عرش پہ دیکھے گی صبر کو دنیا
رہے گا لب پہ فضاؤں کے ہر گھڑی نوحہ
حسین اٹھاییں گے لاشہ جوان بیٹے کا
زمین گرم پہ۔۔۔