khaafela ghareebon ka qaid hoke jaata hai
kaisa waqt badla hai kaisa ye zamana hai
kaun kisko batlaye kiska ye gharana hai
be-kajawa oonton par kaarwan rawana hai
arsh jiska maskan tha ab wo be-thikana hai
khaafela ghareebon ka...
aaftab ke rukh par teergi si chaayi hai
karbala ki dharti ke lab pa bhi duhaai hai
tashnagi shaheedon ki khoon mein nahayi hai
bekafan hai sab laashe paas hi taraayi hai
khaafela ghareebon ka...
ab na aayega lab par phir sawaal pani ka
alqama pasheman hai sharmsaar mashkeeza
aur kanare darya ke muztarib hai ek laasha
rukh pa hai yateemi ke tashnagi ka sannata
khaafela ghareebon ka...
ek yateem bacchi ke zakhm kitne gehre hai
kamsini ki raahon mein kitne zulm tehre hai
soye kaise aankhon mein zaalimon ke chehre hai
aankh ro nahi sakti aansuon pa pehre hai
khaafela ghareebon ka...
sab nashaniyan jal kar khaak mein hui mismaar
garm raakh mein koi dhoondta hai kuch aasaar
ab na khaali jhoola hai aur na bistare beemar
bekason pa har lamha zindagi hui dushwaar
khaafela ghareebon ka...
tashnagi hai ghurbat hai bekasi hai aahein hai
dasht hai aseeri hai aur zakhmi raahein hai
chadarein nahi sar par muztarib nigahein hai
justju mein bacchon ki maamta ki baahein hai
khaafela ghareebon ka...
paaye sabr mein kaante raaston ke daste hai
dasht mein aseeri ke aabile sisakte hai
dhoop ki tamazat se saare zakhm jalte hai
chashme nam se behne ko ashk bhi taraste hai
khaafela ghareebon ka...
izteraab hai kitna dasht ki hawaon mein
kyun lahoo umadta hai bekasi ki aankhon mein
har taraf dhuaan kyun hai tashnagi ki aahon mein
kis qadar hai tanhaai maamta ki baahon mein
khaafela ghareebon ka...
gar rasheed turbat mein zindagi ki haajat hai
qalb ke dhadakne ko ashk ki zaroorat hai
karbala ke pyason ka gham badi ibadat hai
zakhm matam e sheh ka rooh ki taharat hai
khaafela ghareebon ka...
قافلہ غریبوں کا قید ہوکے جاتا ہے
کیسا وقت بدلہ ہے کیسا یہ زمانہ ہے
کون کس کو بتلاے کس کا یہ گھرانہ ہے
بے کجاوا اونٹوں پر کارواں روانہ ہے
عرش جس کا مسکن تھا اب وہ بے ٹھکانہ ہے
قافلہ غریبوں کا۔۔۔
آفتاب کے رخ پر تیرگی سی چھائی ہے
کربلا کی دھرتی کے لب پہ بھی دہائی ہے
تشنگی شہیدوں کی خوں میں نہائی ہے
بیکفن ہے سب لاشے پاس ہی ترای ہے
قافلہ غریبوں کا۔۔۔
اب نہ آے گا لب پر پھر سوال پانی کا
علقمہ پشیمان ہے شرمسار مشکیزہ
اور کنارے دریا کے مضطرب ہے اک لاشہ
رخ پہ ہے یتیمی کے تشنگی کا سناٹا
قافلہ غریبوں کا۔۔۔
ایک یتیم بچی کے زخم کتنے گہرے ہیں
کمسنی کی راہوں میں کتنے ظلم ٹہرے ہیں
سوے کیسے آنکھوں میں ظالموں کے چہرے ہیں
آنکھ رو نہیں سکتی آنسوؤں پہ پہرے ہیں
قافلہ غریبوں کا۔۔۔
سب نشانیاں جل کر خاک میں ہوی مسمار
گرم راخ میں کوئی ڈھونڈتا ہے کچھ آثار
اب نہ خالی جھولا ہے اور نہ بستر بیمار
بیکسوں پہ ہر لمحہ زندگی ہوی دشوار
قافلہ غریبوں کا۔۔۔
تشنگی ہے غربت ہے بیکس ہے آہیں ہے
دشت ہے اسیری ہے اور زخمی راہیں ہے
چادریں نہیں سر پر مضطرب نگاہیں ہے
جستجو میں بچوں کی مامتا کی باہیں ہے
قافلہ غریبوں کا۔۔۔
پاے صبر میں کانٹے راستوں کے دستے ہیں
دشت میں اسیری کے آبلے سسکتے ہیں
دھوپ کی تمازت سے سارے زخم جلتے ہیں
چشمِ نم سے بہنے کو اشک بھی ترستے ہیں
قافلہ غریبوں کا۔۔۔
اضطراب ہے کتنا دشت کی ہواؤں میں
کیوں لہو امڈتا ہے بیکسی کی آنکھوں میں
ہر طرف دھواں کیوں ہے تشنگی کی آہوں میں
کس قدر ہے تنہائی مامتا کی باہوں میں
قافلہ غریبوں کا۔۔۔
گر رشید تربت میں زندگی کی حاجت ہے
قلب کے دھڑکنے کو اشک کی ضرورت ہے
کربلا کے پیاسوں کا غم بڑی عبادت ہے
زخم ماتم شہ کا روح کی طہارت ہے
قافلہ غریبوں کا۔۔۔