ay natiq e quran ya maula
ay waaris e quran ya maula
ek natiq e quran naize par quran sunata jaata hai
aur waaris e quran marqad mein khaak udaata jaata hai
quran e masayeb ke sar se juzdaan utaare jaate hai
ek ek aayat ke seene mein khanjar jo utaare jaate hai
quran ke haafiz ke haathon quran jalaya jaata hai
ek natiq e quran...
ek chota sa quran abhi naize pe jo maine dekha hai
seh pehlu teer se us ka gala takbeer suna kar cheda hai
ek rehl-numa jhoole ko sar e maidan jalaya jaata hai
ek natiq e quran...
quran sifat wo do bacche jo doshe nabi ke raakib thay
wo jin ke galay mehboobe khuda chooma karte thay aankhon se
kabhi zehr pilaaya jaata hai teeron pe sulaya jaata hai
ek natiq e quran...
quran ka parda rakhna hai ay umme abiha teri tarha
sajjad ki majboori dekho tadpa hai kisi machli ki tarha
kausar si choti aayat ko turbat mein chupaya jaata hai
ek natiq e quran...
kuch choti badi aayaat bhi thi ek soora bhi qaidi dekha
bazaar e sitam mein be parda suraj ne wo chehra bhi dekha
jise saani e zahra kehte huwe palkon ko jhukaya jaata hai
ek natiq e quran...
tatheer ki aayat jin ke liye khud kaatib e qismat ne likhi
us aayat ki tafseeron ko saaya na mila chadar na mili
baala e sitam be-maqna unhe darbar mein laaya jaata hai
ek natiq e quran...
ay kalmago kuch sharm to kar ay qaari e quran doob ke mar
quran e imamat ki dukhtar kis tarha kare kaanton pe safar
in pairon ke riste khoon se zam zam ko banaya jaata hai
ek natiq e quran...
be-ghusl o kafan kitne quran pamaal kiye haye haye
afsos ke baa e bismillah naizon pe utha ke le aaye
quran ki hurmat loot ke ye kyun jashn manaya jaata hai
ek natiq e quran...
chonsat paare raston mein giray aaghosh se apni maaon ki
khoon rang hui raahon ki zameen in bacchon ki turbat na bani
in ujdi godh ki maaon ko phir khoon rulaaya jaata hai
ek natiq e quran...
quran mein rakha hai khudrat ne har khushk o tar ka zikr magar
kuch aise quran dekhe gaye ashoor ko apne khoon mein tar
wo jin ke paseene se kaabe ko ghusl karaya jaata hai
ek natiq e quran...
quran e aza hai farshe aza rehaan e aza rizwan e aza
ye nauha e gham roadad-e-sitam zahra ki qasam bar doshe hawa
majlis mein suna kar zahra ko mehman banaya jaata hai
ek natiq e quran...
اے ناطقِ قرآں یا مولا
اے وارثِ قرآں یا مولا
اِک ناطقِ قرآں نیزے پر قرآن سناتا جاتا ہے
اور وارثِ قرآں مرقد میں ہائے خاک اُڑاتا جاتا ہے
قرآنِ مصائب کے سر سے جزدان اتارے جاتے ہیں
اِک ایک آیت کے سینے میں خنجر جو اتارے جاتے ہیں
قرآن کے حافظ کے ہاتھوں قرآن جلایا جاتا ہے
اِک ناطقِ قرآں۔۔۔
اِک چھوٹا سا قرآن ابھی نیزے پہ جو میں نے دیکھا ہے
سہہ پہلو تیر سے اُس کا گلا تکبیر سنا کر چھیدا ہے
اِک رحل نما جھولے کو سرِ میدان جلایا جاتا ہے
اِک ناطقِ قرآں۔۔۔
قرآن صفت وہ دو بچے جو دوشِ نبیؐ کے راکب تھے
وہ جن کے گلے محبوبِ خدا چوما کرتے تھے آنکھوں سے
کبھی زہر پلایا جاتا ہے تیروں پہ سلایا جاتا ہے
اِک ناطقِ قرآں۔۔۔
قرآن کا پردا رکھنا ہے اے اُمِ ابیہا تیری طرح
سجاد کی مجبوری دیکھو تڑپا ہے کسی مچھلی کی طرح
کوثر سی چھوٹی آیت کو تربت میں چھپایا جاتا ہے
اِک ناطقِ قرآں۔۔۔
کچھ چھوٹی بڑی آیات بھی تھیں اِک سورہ بھی قیدی دیکھا
بازارِ ستم میں بے پردا سورج نے وہ چہرا بھی دیکھا
جسےثانی زہرا کہتے ہوئے پلکوں کو جھکایا جاتا ہے
اِک ناطقِ قرآں۔۔۔
تطہیر کی آیت جن کے لئے خود کاتبِ قسمت نے لکھی
اُس آیت کی تفسیروں کو سایہ نہ ملا چادر نہ ملی
بالائے ستم بے مقنع انہیں دربار میں لایا جاتا ہے
اِک ناطقِ قرآں۔۔۔
اے کلمہ گو کچھ شرم تو کر اے قاریِ قرآں ڈوب کے مر
قرآنِ امامت کی دختر کس طرح کرے کانٹوں پہ سفر
اِن پیروں کے رِستے خوں سے زم زم کو بنایا جاتا ہے
اِک ناطقِ قرآں۔۔۔
بے غسل و کفن کتنے قرآں پامال کیئے ہائے ہائے
افسوس کہ بائے بسم اللہ نیزوں پہ اٹھا کے لے آئے
قرآن کی حرمت لوٹ کے یہ کیوں جشن منایا جاتا ہے
اِک ناطقِ قرآں۔۔۔
چونسٹھ پارے رستوں میں گرے آغوش سے اپنی مائوں کی
خوں رنگ ہوئی راہوں کی زمیں اِن بچوں کی تربت نہ بنی
اِن اُجڑی گود کی مائوں کو پھر خون رلایا جاتا ہے
اِک ناطقِ قرآں۔۔۔
قرآں میں رکھا ہے قدرت نے ہر خشک و تر کا ذکر مگر
کچھ ایسے قرآں دیکھے گئے عاشور کو اپنے خون میں تر
وہ جن کے پسینے سے کعبے کو غسل کرایا جاتا ہے
اِک ناطقِ قرآں۔۔۔
قرآنِ عزا ہے فرشِ عزا ریحانِ عزا رضوانِ عزا
یہ نوحہِ غم رودادِ ستم زہرا کی قسم بَر دوشِ ہوا
مجلس میں سنا کر زہرا کو مہمان بنایا جاتا ہے
اِک ناطقِ قرآں۔۔۔