jaan e hussain alamdar e hussain
ay abalfazl alamdar e hussain
bawafa monis o ghamkhwar e hussain
ye azadaar na bhoolenge kabhi aap ka gham
hum na bhoolenge kabhi khoon mein dooba wo alam
hashr tak aap ki ghurbat ka karenge matam
ay jari aap ke baazu e bureeda ki qasam
ay abalfazl alamdar e hussain...
aap ke dar se liya dars e sharafat hum ne
aap se seekhi hai bhai ki mohabbat hum ne
chadar e saani e zahra ki qasam ay ghazi
aap se seekhi hai behno ki hifazat hum ne
ay abalfazl alamdar e hussain...
ek masooma ke ehsaas pe rona aaya
uski mazloomi pe aur pyaas pe rona aaya
jab bhi parcham pe lagi mashke sakina dekhi
aap ki tooti hui aas pe rona aaya
ay abalfazl alamdar e hussain...
haye maula wo qayamat ki ghadi
sheh ko jis waqt sada aap ne di
aasman dard ka sarwar pe gira
daude ye kehte huwe shaahe huda
mere ghayyur mere shere jari
tere bhai ki kamar toot gayi
aur jeena nahi ab mujhko gawara ghazi
maar daalega mujhe daagh tumhara ghazi
ay abalfazl alamdar e hussain...
haye maqtal ka wo manzar wo musibat maula
ta abad yaad rahegi wo qayamat maula
seena e sayyede waala pe layeen ka zaanu
aur tadpti hui wo aap ki mayyat maula
ay abalfazl alamdar e hussain...
dil bahot rota hai ye soch ke mera ghazi
aap ko jaan se pyari thi sakina ghazi
shimr ne usko tamachon pe tamache maare
aap ne kaise saha hoga ye sadma ghazi
ay abalfazl alamdar e hussain...
dil laraz jaata hai ye sun ke azadaron ka
bhare bazaar mein thay ahle haram beparda
haye kya aap pe guzri hai qayamat us dam
jab ye zainab ne kaha cheeni gayi meri rida
ay abalfazl alamdar e hussain...
haye kis dil se nadeem aap ki ghurbat likhe
is tasavvur se jigar hota hai tukde tukde
mai bayan kaise karun aap ke zakhmi sar ko
shimr ne gardan e rahwaar se baandha kaise
ay abalfazl alamdar e hussain...
جان حسین علمدار حسین
اے ابوالفضل علمدار حسین
باوفا مونس و غمخوار حسین
یہ عزادار نہ بھولیںنگے کبھی آپ کا غم
ہم نہ بھولینگے کبھی خون میں ڈوبا وہ علم
حشر تک آپ کی غربت کا کرینگے ماتم
اے جری آپ کے بازوۓ بریدہ کی قسم
اے ابوالفضل علمدار حسین۔۔۔
آپ کے در سے لیا درسِ شرافت ہم نے
آپ سے سیکھی ہے بھائی کی محبت ہم نے
چادر ثانئ زھرا کی قسم اے غازی
آپ سے سیکھی ہے بہنوں کی حفاظت ہم نے
اے ابوالفضل علمدار حسین۔۔۔
ایک معصومہ کے احساس پہ رونا آیا
اسکی مظلومی پہ اور پیاس پہ رونا آیا
جب بھی پرچم پہ لگی مشک سکینہ دیکھی
آپ کی ٹوٹی ہوئی آس پہ رونا آیا
اے ابوالفضل علمدار حسین۔۔۔
ہائے مولا وہ قیامت کی گھڑی
شہ کو جس وقت صدا آپ نے دی
آسماں درد کا سرور پہ گرا
دوڑے یہ کہتے ہوئے شاہ ہدا
میرے غیور میرے شیرے جری
تیرے بھائی کی کمر ٹوٹ گئی
اور جینا نہیں اب مجھکو گوارا غازی
مار ڈالیگا مجھے داغ تمہارا غازی
اے ابوالفضل علمدار حسین۔۔۔
ہائے مقتل کا وہ منظر وہ مصیبت مولا
تا ابد یاد رہے گی وہ قیامت مولا
سینۂ سیّدِ والا پہ لعیں تھا زانوں
اور تڑپتی ہوئی وہ آپ کی میّت مولا
اے ابوالفضل علمدار حسین۔۔۔
دل بہت روتا ہے یہ سوچ کے میرا غازی
آپ کو جان سے پیاری تھی سکینہ غازی
شمر نے اس کو طمانچوں پہ طمانچے مارے
آپ نے کیسے سہا ہوگا یہ صدمہ غازی
اے ابوالفضل علمدار حسین۔۔۔
دل لرز جاتا ہے یہ سن کے عزاداروں کا
بھرے بازار میں تھے اہل حرم بےپردہ
ہاۓ کیا آپ پہ گزری ہے قیامت اس دم
جب یہ زینب نے کہا چھینی گئی میری ردا
اے ابوالفضل علمدار حسین۔۔۔
ہائے کس دل سے ندیم آپ کی غربت لکھے
اس تصور سے جگر ہوتا ہے ٹکڑے ٹکڑے
میں بیاں کیسے کروں آپ کے زخمی سر کو
شمر نے گردن رہوار سے باندھا کیسے
اے ابوالفضل علمدار حسین۔۔۔