jo ke masroof e salaam e shohda rehta hai
go wo rehta nahi par naam sada rehta hai
ay falak baad e fana kaate gaye daste hussain
ek na ek zulm tere ghar may naya rehta hai
jo ke masroofe...
shimr kehta tha yehi maa hai ali akbar ki
jis ka ek haath kaleje pe dhara rehta hai
jo ke masroofe...
shimr se sheh na kaha paon na rakh seene par
yahin ganjinaye asraar e khuda rehta hai
jo ke masroofe...
ro ke ye hind ki beti ne sakina se kaha
sar tera kis liye har waqt khula rehta hai
jo ke masroofe...
wo lagi kehne yateemi ki nishani hai yehi
kurta bewaarsi bachon ka phata rehta hai
jo ke masroofe...
shaam hoti hai to oonton se utarte hai haram
par sar e shaah to naize pe chadha rehta hai
jo ke masroofe...
khwaab may aan ke abid se ye sheh ne poocha
beta ehwaal tera qaid may kya rehta hai
jo ke masroofe...
ro ke farmaya ke ashk aankhon may lab par naale
paon zanjeer may rassi may gala rehta hai
jo ke masroofe...
baap maara gaya bhai katay zindan may phasi
is musbait may bhala hosh baja rehta hai
jo ke masroofe...
hai ye sharmindagi pani ke na pahunchane ki
naize par bhi sar e abbas jhuka rehta hai
jo ke masroofe...
karbala may mujhe ay sibte nabi yaad karo
ye dabeer aap ka masroof e dua rehta hai
jo ke masroofe...
tauf e kaaba ka tujhe shauq hai az bas ke dabeer
muztarib dil sifat e qibla numa rehta hai
jo ke masroofe...
جو کہ مصروفِ سلام شہدا رہتا ہے
گو وہ رہتا نہیں پر نام سدا رہتا ہے
اے فلک بعد فنا کاٹے گےء دست حسین
ایک نہ اک ظلم تیرے گھر میں نیا رہتا ہے
جو کہ مصروفِ۔۔۔
شمر کہتا تھا یہی ماں ہے علی اکبر کی
جس کا اک ہاتھ کلیجے پہ دھرا رہتا ہے
جو کہ مصروفِ۔۔۔
شمر سے شہ نے کہا پاؤں نہ رکھ سینے پر
یہی گنجینہء آثار خدا رہتا ہے
جو کہ مصروفِ۔۔۔
رو کے یہ ہند کی بیٹی نے سکینہ سے کہا
سر تیرا کس لئے ہر وقت کھلا رہتا ہے
جو کہ مصروفِ۔۔۔
وہ لگی کہنے یتیمی کی نشانی ہے یہی
کرتہ بے وارثی بچوں کا پھٹا رہتا ہے
جو کہ مصروفِ۔۔۔
شام ہوتی ہے تو اونٹوں سے اترتے ہیں حرم
پر سر شاہ تو نیزے پہ چڑھا رہتا ہے
جو کہ مصروفِ۔۔۔
خواب میں آن کے عابد سے یہ شہ نے پوچھا
بیٹا احوال تیرا قید میں کیا رہتا ہے
جو کہ مصروفِ۔۔۔
رو کے فرمایا کہ اشک آنکھوں میں لب پر نالے
پاؤں زنجیر میں رسی میں گلا رہتا ہے
جو کہ مصروفِ۔۔۔
باپ مارا گیا بھائی کٹے زنداں میں پھنسی
اس مصیبت میں بھلا ہوش بجا رہتا ہے
جو کہ مصروفِ۔۔۔
ہے یہ شرمندگی پانی کے نہ پہنچانے کی
نیزے پر بھی سر عباس جھکا رہتا ہے
جو کہ مصروفِ۔۔۔
کربلا میں مجھے اے سبط نبی یاد کرو
یہ دبیر آپ کا مصروف دعا رہتا ہے
جو کہ مصروفِ۔۔۔
طواف کعبہ کا تجھے شوق ہے از بس کہ دبیر
مضطرب دل صفتِ قبلہ نما رہتا ہے
جو کہ مصروفِ۔۔۔