tasht se uth ke chala hazrate shabbir ka sar
hasrat o yaas se daali jo sakina ne nazar
imtehan baani e shar ne jo sakina ka liya
ho gaya shaam ke darbar may kohraam bapa
dekh kar rone lage ahle nazar ye manzar
tasht se uth ke chala...
sar jhukaye sare darbar khadi thi bacchi
ye khuda jaane ke kya soch rahi thi bacchi
ashk aankhon se gire jab ke zameen ke upar
tasht se uth ke chala...
neel ruksaar ka baba ko dikhaya hoga
kitne khaaye hai tamache ye bataya hoga
apne dukh dard kiye honge bayan ro ro kar
tasht se uth ke chala...
chup rahi bali sakina ne kahan kuch bola
sirf ek baar jale kurte ka daaman khola
koi shikwa ya shikayat nahi laayi lab par
tasht se uth ke chala...
dekhte rote huwe kaise yateema ko hussain
kar nahi sakte thay mayoos sakina ko hussain
haath phailaye bulaane ke liye jab ro kar
tasht se uth ke chala...
chaahte kab ke sakina ko koi kuch bole
kab gawara tha zaban apni sitamgar khole
beridayi ka safar rakhte huwe madde nazar
tasht se uth ke chala...
baap shabbir sa aur beti sakina jaisi
dhoondne se bhi kisi ko na mila aur na mili
hum ne dekha sare darbar ye chaahat ka asar
tasht se uth ke chala...
jalwagar doshe hawa pe sare sarwar dekha
jaane kin aankhon se zaalim ne ye manzar dekha
sharm se apna utha paaya na sar baani e shar
tasht se uth ke chala...
kaifiyat bali sakina ki bayan kaise karun
dard jo dil may hai chehre pe ayan kaise karun
neel hi neel nazar aate thsy ruksaron par
tasht se uth ke chala...
moo pe moo rakh ke sakina ne kiye bain asif
chand lamhe hi yateema ko mila chain asif
dayr tak roye mowarrikh bhi ye aamir likh kar
tasht se uth ke chala...
طشت سے اٹھ کے چلا حضرتِ شبیر کا سر
حسرت و یاس سے ڈالی جو سکینہ نے نظر
امتحاں بانیء شر نے جو سکینہ کا لیا
ہو گیا شام کے دربار میں کہرام بپا
دیکھ کر رونے لگے اہلِ نظر یہ منظر
طشت سے اٹھ کے چلا۔۔۔
سر جھکائے سر دربار کھڑی تھی بچی
یہ خدا جانے کہ کیا سوچ رہی تھی بچی
اشک آنکھوں سے گرے جب کہ زمیں کے اوپر
طشت سے اٹھ کے چلا۔۔۔
نیل رخسار کا بابا کو دکھایا ہو گا
کتنے کھاے ہیں طمانچے یہ بتایا ہوگا
اپنے دکھ درد کیےء ہونگے بیاں رو رو کر
طشت سے اٹھ کے چلا۔۔۔
چپ رہی بالی سکینہ نے کہاں کچھ بولا
صرف اک بار جلے کرتے کا دامن کھولا
کوئی شکوہ یا شکایت نہیں لای لب پر
طشت سے اٹھ کے چلا۔۔۔
دیکھتے روتے ہوے کیسے یتیمہ کو حسین
کر نہیں سکتے تھے مایوس سکینہ کو حسین
ہاتھ پھیلائے بلانے کے لےء جب رو کر
طشت سے اٹھ کے چلا۔۔۔
چاہتے کب کہ سکینہ کو کوئی کچھ بولے
کب گوارا تھا زباں اپنی ستمگر کھولے
بے ردائی کا سفر رکھتے ہوے مد نظر
طشت سے اٹھ کے چلا۔۔۔
باپ شبیر سا اور بیٹی سکینہ جیسی
ڈھونڈنے سے بھی کسی کو نہ ملا اور نہ ملی
ہم نے دیکھا سر دربار یہ چاہت کا اثر
طشت سے اٹھ کے چلا۔۔۔
جلوہ گر دوش ہوا پہ سر سرور دیکھا
جانے کن آنکھوں سے ظالم نے یہ منظر دیکھا
شرم سے اپنا اٹھا پایا نہ سر بانیء شر
طشت سے اٹھ کے چلا۔۔۔
کیفیت بالی سکینہ کیبیاں کیسے کروں
درد جو دل میں ہے چہرے پہ عیاں کیسے کروں
نیل ہی نیل نظر آتے تھے رخساروں پر
طشت سے اٹھ کے چلا۔۔۔
منہ پہ منہ رکھ کے سکینہ نے کیےء بین آصف
چند لمحے ہی یتیمہ کو ملا چین آصف
دیر تک روے مؤرخ بھی یہ عامر لکھ کر
طشت سے اٹھ کے چلا۔۔۔