qasim jo giray ghode se tha maut ka pehra
tha khoon mein dooba hua wo chaad sa chehra
chalni tha badan teeron se har zakhm tha gehra
khoon sar se baha ban gaya ek ladiyon ka sehra
is tarha larazta hua laasha nahi dekha
is shaan ka koi kabhi dulha nahi dekha
har jod tha toota hua har band juda tha
baazu hai ye wo jispa ke taweez bandha tha
kuchla hua seena tha lahoo sar se baha tha
is phool se bache pe ajab zulm hua tha
ye wazn ka taapon ka wohi toot gayi thi
sab pasliyan seene mein kahin toot gayi thi
maidan mein madad ke liye chillaate thay qasim
jaate thay idhar aur udhar aate thay qasim
dam atka tha aur chain nahi paate thay qasim
lagti thi jo taape to tadap jaate thay qasim
ghodon se kuchal jaane ki zehmat na dikhaye
allah kisi ko ye musibat na dikhaye
sheh khaak pe bhai ka pisar dhoondh rahe hai
maidan mein wo laasha hai kahan dhoondh rahe hai
aankhon mein andhera hai magar dhoondh rahe hai
phir bhai ka har lakhte jigar dhoondh rahe hai
tewra ke wahin girte hai ghash aata hai sheh ko
jab jism ka tukda koi mil jaata hai sheh ko
shabbir ne jisko kabhi godhi mein sulaaya
haathon ko bhi chooma kabhi seene se lagaya
taqdeer ne ye aaj ajab waqt dikhaya
laasha usi bache ka hai chadar mein uthaya
thaame huwe kone hassan e khasta jigar hai
aaza ki ye gathdi nahi bewa ka pisar hai
seh lete hai kuch dard bataye nahi jaate
laashe kabhi hisson mein uthaye nahi jaate
gar shaah rida apni bichaye nahi jaate
tukde kabhi qasim ke uthaye nahi jaate
chadar ko jo thaame huwe abbas khade hai
akbar bhi sahare ke liye paas khade hai
kya haal hai laashe ka bataya nahi jaata
shabbir se sadma ye uthaya nahi jaata
gehra hai bahot zakhm chupaya nahi jaata
qaime ki taraf badhte hai jaaya nahi jaata
is gham ka kahan baar utha payegi bewa
jab laashe pisar dekhegi mar jayegi bewa
dil apna sambhala kabhi chadar ko sambhala
qaime ki taraf chalne lage sayyede waala
tareek hua jaata tha aankhon ka ujaala
chadar mein bandhi laash ko jab saamne daala
farwa ne ye poocha ke kahan laal mera hai
dil hilta hai batlaiye is gathdi mein kya hai
gathdi jo khuli hashr bapa ho gaya har soo
tukde tha badan laash ka aur khoon bhare gaysu
taapon ke nishan seene mein aur aankhon mein aansu
kehne laga aahista se zehra ka wo mehroo
ye dekhiye jo ek tan e sadpaash hai bhabi
pehchaniye qasim ki yehi laash hai bhabi
maa gir gayi ye dekh ke tewra ke zameen par
mehshar se hi pehle tha wahan qaime mein mehshar
farwa ko sambhale rahi khud zainabe muztar
shabbir ki aankhon mein qamar phir gaya manzar
larzish thi har ek tukde mein kuchla hua tan tha
shabbar ka kaleja tha ke qasim ka badan tha
قاسم جو گرے گھوڑے سے تھا موت کا پہرا
تھا خون میں ڈوبا ہو وہ چاند سا چہرہ
چھلنی تھا بدن تیروں سے ہر زخم تھا گہرا
خوں سر سے بہا بن گیا اَک لڑیوں کا سہرا
اس طرح لرزتا ہو لاشہ نہیں دیکھا
اِس شان کا کوئی کبھی دولھا نہیں دیکھا
ہر جوڑ تھا ٹوٹا ہوا ہر بند جدا تھا
بازو ہے وہ جس پہ کہ تعویز بندھا تھا
کچلا ہوا سینہ تھا لہو سر سے بہا تھا
اِس پھول سے بچے پہ عجب ظلم ہو تھا
یہ وزن تھا ٹاپوں کا وہیں ٹوٹ گئیں تھیں
سب پسلیاں سینے میں کہیں ٹوٹ گئیں تھیں
میداں میں مدد کے لئے چللاتے تھے قاسم
جاتے تھے اِدھر اور اُدھر اتے تھے قاسم
دم اٹکا تھا اور چین نہیں پاتے تھے قاسم
لگتی تھیں جو ٹاپیں تو تڑپ جاتے تھے قاسم
گھوڑوں سے کچل جانے کی زحمت نہ دکھائے
اللہ کسی کو یہ مصیبت نہ دکھائے
شہہ خاک پہ بھائی کا پسر ڈھونڈ رہے ہیں
میداں میں وہ لاشہ ہے کہاں ڈھونڈ رہے ہیں
آنکھوں میں اندھیرا ہے مگر ڈھونڈ رہے ہیں
پھر بھائی کا ہر لختِ جگر ڈھونڈ رہے ہیں
تیورا کے وہیں گرتے ہیں غش آتا ہے شہہ کو
جب جسم کا ٹکڑہ کوئی مل جاتا ہے شہہ کو
شبیر نے جس کو کبھی گودی میں سلایا
ہاتھوں کو بھی چوما کبھی سینے سے لگایا
تقدیر نے یہ آج عجب وقت دکھایا
لاشہ اُسی بچے کا ہے چادر میں اٹھایا
تھامے ہوئے کونے حسنِ خستہ جگر ہیں
اعضا کی یہ گٹھڑی نہیں فروہ کا پسر ہے
سہہ لیتے ہیں کچھ درد بتائے نہیں جاتے
لاشے کبھی حصوں میں اُٹھائے نہیں جاتے
گر شاہ ردا اپنی بچھائے نہیں جاتے
ٹکڑے کبھی قاسم کے اُٹھائے نہیں جاتے
چادر کو جو تھامے ہوئے عباس کھڑے ہیں
اکبر بھی سہارے کے لئے پاس کھڑے ہیں
کیا حال ہے لاشے کا بتایا نہیں جاتا
شبیر سے صدمہ یہ اُٹھایا نہیں جاتا
گہرا ہے بہت زخم چھپایا نہیں جاتا
خیمے کی طرف بڑھتے ہیں جایا نہیں جاتا
اس غم کا کہاں بار اٹھا پائے گی بیوہ
جب لاشِ پسر دیکھے گی مر جائے گی بیوہ
دل اپنا سنبھالا کبھی چادر کو سنبھالا
خیمے کی طرف چلنے لگے سیدِ والا
تاریک ہوا جاتا تھا آنکھوں کا اُجالا
چادر میں بندھی لاش کو جب سامنے ڈالا
فروہ نے یہ پوچھا کہ کہاں لعل میرا ہے
دل ہلتا ہے بتلائیے اس گٹھری میں کیا ہے
گٹھری جو کھلی حشر بپا ہو گیا ہر سو
ٹکڑے تھا بدن لاش کا اور خون بھرے گیسو
ٹاپوں کے نشان سینے میں اور آنکھوں میں آنسو
کہنے لگا آہستہ سے زہرا کا وہ مہرو
یہ دیکھیے جو ایک تنِ صد پاش ہے بھابھی
پہچانیے قاسم کی یہی لاش ہے بھابھی
ماں گر گئی یہ دیکھ کے تیورا کے زمین پر
محشر سے ہی پہلے تھا وہاں خیمے میں محشر
فروہ کو سنبھالے رہیں خود زینب مضطر
شبیر کی آنکھوں میں قمر پھر گیا منظر
لرزش تھی ہر اک ٹکڑے میں کچلا ہوا تن تھا
شبر کا کلیجہ تھا کہ قاسم کا بدن تھا