mujhe koi gham nahi hai magar ay hussain tera
meri fiqr ki hai manzil safar ay hussain tera
kya ajab tha ghayr leti mujhe har tarha ki fikrein
na jo gham rafeeq hota agar ay hussain tera
kabhi kufr ke muqabil to kabhi munafiqon ke
raha sar bakaf hamesha padar ay hussain tera
na ameer e shaam baqi na wo taaj o takht e shaahi
hai dilon pa ab bhi lekin asar ay hussain tera
isay apne khoon se tu ne nayi zindagi ata ki
hai ye deen mustafa ka shajar ay hussain tera
kisi hukmuran ka sadqa na muballighon ki koshish
hai ye deen ki baharein samar ay hussain tera
ay jina ke shaahzade tu zameen pa aa gaya kyun
ke musalsal ibtela hai safar ay hussain tera
kabhi dosh par nabi ke kabhi nok par ani ke
raha auj par hamesha qamar aey hussain tera
hui kehkashan si roshan sar e raahe shaam o kufa
gaya sar ba noke naiza jidhar ay hussain tera
na to aankh par hai patti na hi haath may hai raasha
to khaleel dekhte hai jigar ay hussain tera
kya ajab tha paa e asghar se ubalta khoon ka chashma
agar aediyan ragadta pisar ay hussain tera
sar e hashr mere aaqa tu hi ye bhi dhyan rakhiyo
ke hai soz-o-khwan-o-shayir kidhar ay hussain tera
na dubara haazri gar ho naseeb e sibte jafar
to phir us ki samt se ho guzar ay hussain tera
مجھے کوئی غم نہیں ہے مگر اے حسین تیرا
میری فکر کی ہے منزل سفر اے حسین تیرا
کیا عجب تھا گھیر لیتی مجھے ہر طرح کی فکریں
نہ جو غم رفیق ہوتا اگر اے حسین تیرا
کبھی کفر کے مقابل تو کبھی منافقوں کے
رہا سر بکف ہمیشہ پدر اے حسین تیرا
نہ أمیر شام باقی نہ وہ تاج و تخت شاہی
ہے دلوں پہ اب بھی لیکن اثر اے حسین تیرا
اسے اپنے خون سے تو نے نیء زندگی عطا کی
ہے یہ دین مصطفیٰ کا شجر اے حسین تیرا
کسی حکمران کا صدقہ نہ مبلغوں کی کوشش
ہے یہ دین کی بہاریں ثمر اے حسین تیرا
اے جناں کے شہزادے تو زمیں پہ آ گیا کیوں
کہ مسلسل ابتلا ہے سفر اے حسین تیرا
کبھی دوش پر نبی کے کبھی نوک پر انی کے
رہا اوج پر ہمیشہ قمر اے حسین تیرا
ہوی کہکشاں سی روشن سر راہ شام و کوفہ
گیا سر بہ نوکِ نیزہ جدھر اے حسین تیرا
نہ تو آنکھ پر ہے پٹی نہ ہی ہاتھ میں ہے راشا
تو خلیل دیکھتے ہیں جگر اے حسین تیرا
کیا عجب تھا پاے اصغر سے ابلتا خون کا چشمہ
اگر ایڑیاں رگڑتا پسر اے حسین تیرا
سر حشر میرے آقا تو ہی یہ بھی دھیان رکھیو کہ ہے
سوز و خوان و شاعر کدھر اے حسین تیرا
نہ دوبارہ حاضری گر ہو نصیب سبط جعفر
تو پھر اس کی سمت سے ہو گزر اے حسین تیرا