muslim ke dono bete jahan se guzar gaye
do shaahzade aalam e ghurbat may mar gaye
baahein galay may bhai ne bhai ki daal di
yun apni jaanein shaah pe qurban kar gaye
muslim ke dono bete…
pardes may yateemon ki ghurbat ka tha ye haal
dunya se dono tashna dahan khoon may tar gaye
muslim ke dono bete…
zaalim bhi phoot phoot ke rote thay dekh kar
darbar may jo chand se bachon ke sar gaye
muslim ke dono bete…
junhi suna ke kufe may bache huwe shaheed
khanjar se dil may ghamzada maa ke utar gaye
muslim ke dono bete…
sar peet ke ye kehti thi ek beqaraar maa
dhoondun kahan unhe mere bache kidhar gaye
muslim ke dono bete…
nikle thay deen bachane bachaya khuda ka deen
muslim ke laal laut ke wapas na ghar gaye
muslim ke dono bete…
gohar wo apne noor ki khairaat baksh kar
islam ka wujood ujaalon se bhar gaye
muslim ke dono bete…
مسلم کے دونوں بیٹے جہاں سے گزر گئے
دو شاہزادے عالمِ غربت میں مر گئے
بانہیں گلے میں بھائی نے بھائی کے ڈال دیں
یوں اپنی جانیں شاہؑ پہ قربان کر گئے
مسلم کے دونوں بیٹے۔۔۔
پردیس میں یتیموں کی غربت کا تھا یہ حال
دنیا سے دونوں تشنہ دہن خوں میں تر گئے
مسلم کے دونوں بیٹے۔۔۔
ظالم بھی پھوٹ پھوٹ کے روتے تھے دیکھ کر
دربار میں جو چاند سے بچوں کے سر گئے
مسلم کے دونوں بیٹے۔۔۔
جونہی سنا کہ کوفے میں بچے ہوئے شہید
خنجر سے دل میں غمزدہ ماں کے اُتر گئے
مسلم کے دونوں بیٹے۔۔۔
سر پیٹ کے یہ کہتی تھی اِک بے قرار ماں
ڈھونڈوں کہاں اُنہیں میرے بچے کدھر گئے
مسلم کے دونوں بیٹے۔۔۔
نکلے تھے دیں بچانے بچایا خدا کا دیں
مسلم کے لعل لوٹ کے واپس نہ گھر گئے
مسلم کے دونوں بیٹے۔۔۔
گوھر وہ اپنے نور کی خیرات بخش کر
اسلام کا وجود اُجالوں سے بھر گئے
مسلم کے دونوں بیٹے۔۔۔