ay jaan o dil e hyder e karrar alamdar
zinda hai jahan may tere aasar alamdar
mashk o alam ab bhi hai khoon baar alamdar
ab tak hai zabano pe alamdar alamdar
lehre abhi leta hai fiza may tera parcham
parcham se numaya hai wafa ka teri aalam
bhulegi na dunya tera esaar alamdar
ab tak hai zabano pe...
darya e mohabbat may rawan hai teri kashti
bache teri takhleed may bante hai bahishti
zaahir hai sakina se jo tha pyaar alamdar
ab tak hai zabano pe...
darya pa raha yaad mohabbat ka kareena
wo pyaas may do roz ki pani ka na peena
yaad aati hai ye manzil e dushwaar alamdar
ab tak hai zabano pe...
kya seena sipar mashke sakina ka raha tu
ek teer na aane diya jab tak rahe baazu
is shaan se chamki teri talwar alamdar
ab tak hai zabano pe...
tujhse hi sakina ko tha pani ka sahara
kya jaane ye kis dard se tha usne pukara
ay lashkare shabbir ke jarrar alamdar
ab tak hai zabano pe...
kis shaan se baba ka alam tune uthaya
himmat ne tujhe zinda e javed banaya
raas aaya hai kya mansabe karrar alamdar
ab tak hai zabano pe...
tevar pa fida tashna dahani pa tasadduq
millat ke jawan teri jawani pe tasadduq
sab teri mohabbat may hai sarshaar alamdar
ab tak hai zabano pe...
sadiyon se hai kaandhe pa alam tera uthaye
haa ek nigahe lutf yadullah ke jaye
himmat hai dilon may teri darkaar alamdar
ab tak hai zabano pe...
ے جان و دل حیدر کرّار علمدار
زندہ ہے جہاں میں تیرے آثار علمدار
مشک و الم اب بھی ہیں خوں بار علمدار
اب تک ہے زبانوں پہ علمدار علمدار
لہریں ابھی لیتا ہے فضا میں تیرا پرچم
پرچم سے نمایاں ہے وفا کا تیری عالم
بھولے گی نہ دنیا تیرا ایثار علمدار
اب تک ہے زبانوں پہ۔۔۔
دریائے محبت میں رواں ہے تیری کشتی
بچے تیری تقلید میں بنتے ہیں بہشتی
ظاہر ہے سکینہ سے جو تھا پیار علمدار
اب تک ہے زبانوں پہ۔۔۔
دریا پہ رہا یاد محبت کا قرینہ
وہ پیاس میں دو روز کی پانی کا نہ پینا
یاد آتی ہے یہ منزل دشوار علمدار
اب تک ہے زبانوں پہ۔۔۔
کیا سینہ سپر مشک سکینہ کا رہا تو
اک تیر نہ آنے دیا جب تک رہے بازو
اس شان سے چمکی تیری تلوار علمدار
اب تک ہے زبانوں پہ۔۔۔
تجھ سے ہی سکینہ کو تھا پانی کا سہارا
کیا جانے یہ کس درد سے تھا اس نے پکارا
اے لشکر شبیر کے جرار علمدار
اب تک ہے زبانوں پہ۔۔۔
کس شان سے بابا کا الم تونے اٹھایا
ہمت نے تجھے زندہء جاوید بنایا
راس آیا ہے کیا منصب کرار علمدار
اب تک ہے زبانوں پہ۔۔۔
تیور پہ فدا تشنہ دہانی پہ تصدق
ملت کے جواں تیری جوانی پہ تصدق
سب تیری محبّت میں ہیں سرشار علمدار
اب تک ہے زبانوں پہ۔۔۔
صدیوں سے ہے کاندھے پہ الم تیرا اٹھاے
ہاں اک نگاہِ لطف یداللہ کے جاے
ہمت ہے دلوں میں تیری درکار علمدار
اب تک ہے زبانوں پہ۔۔۔