aqraba kat gaye jab shaah ke baari baari
aur adam chalne ki us shaah ne ki tayyari
qaime ka parda utha zainulleba ek baari
dekh maqtal ki taraf karne laga yun zaari
khuld ke kooch may hum ko nahi bulwate ho
khaafile walon hame chode chale jaate ho
haye sheh ka na raha koi bhi yawar baakhi
na alamdar rahe aur na lashkar baakhi
na rahe qasim e jarrar na akbar baakhi
hai faqt sibte nabi ka sar e anwar baakhi
hum to baakhi hai gham o ranj uthane ke liye
maut ne choda hame ashk bahane ke liye
haye shabbir ke marne ki hai ab tayyari
zakhm par zakhm lagay hai tane sheh par kaari
bhook may pyaas may ghash aate hai sau sau baari
beech may ibne ali gird khade hai naari
apni bemaari se sharminda pisar hota hai
qatl ab saamne bete ke pidar hota hai
haye baba ko mere koi bachale aa kar
pher de laake gale par mere koi khanjar
baad baba ke pisar ka nahi jeena behtar
baap to qatl ho jeeta rahe ye khasta jigar
ahlebayt e nabvi par ye jafaein hongi
balwa e aam may sar par na ridaein hongi
اَقرَبا کَٹ گئے جب شاہ كے باری باری
اور عَدم چلنے کی اُس شاھ نے کی تیاری
خیمے کا پردہ اُٹھا زین العباء اک باری
دیکھ مقتل کی طرف کرنے لگے یوں زاری
خُلد كے کُوچ میں ہم کو نہیں بُلواتے ہو
قافلے والو ہمیں چھوڑے چلے جاتے ہو
ہائے شہہ کا نہ رہا کوئی بھی یاور باقی
نہ علمدار رہے اور نہ لشکر باقی
نہ رہے قاسم جرار نہ اکبر باقی
ہے فقط سبط نبی کا سر انور باقی
ہم تو باقی ہیں غم و رنج اُٹھانے كے لیے
موت نے چھوڑا ہمیں اَشک بہانے كے لیے
ہائے شبیر كے مرنے کی ہے اب تیاری
زخم پر زخم لگے ہیں تن شہہ پر کاری
بھوک میں پیاس میں غش آتے ہیں سوسو باری
بیچ میں اِبنِ عَلِی گِرد کھڑے ہیں ناری
اپنی بیماری سے شرمندہ پسر ہوتا ہے
قتل اب سامنے بیٹے كے پدر ہوتا ہے
ہائے بابا کو میرے کوئی بچالے آکر
پھیر دے لا کے گلے پر میرے کوئی خنجر
بعد بابا كے پسر کا نہیں جینا بہتر
باپ تو قتل ہو جیتا رہے یہ خستہ جگر
اہلبیت نبوی پر یہ جفائیں ہونگی
بلوئے عام میں سَر پر نہ ردائیں ہونگی