ran se jab khaake sina akbar e zeeshan aaye
maa ki qidmat may koi aan ke mehmaan aaye
ghar may laashe ko liye shaah e shaheedan aaye
nauhagar khaak basar chaak gareban aaye
di sada qatl huwe yousuf e saani bano
mil gayi khaak may akbar ki jawani bano
dekhle aakhri deedaar pisar marta hai
saamne aankhon ke ye noor e nazar marta hai
ab koi dam may mera rashke qamar marta hai
moo se baahar hai zaban tashna jigar marta hai
dam hai seene may ruka zakhmon se khoon jaari hai
sheher bano tera ghar lutne ki tayyari hai
pahunchi qaime may jo hazrat ki ye pur dard sada
muztarib hogaye naamoose rasoole do sara
kaha chilla ke sakina ne ke hae hae bhaiya
fizza daudi suye dar phaynk ke sar par se rida
peet'ti zainab e muztar nikal aayi baahar
bano ghabra ke khule sar nikal aayi baahar
sheh ke kaandhe pa jo dekha ali akbar ko nidhaal
haath phaila ke ye chillayi ke hae hae mere laal
kya ghazab hogaya ay baadshahe nayk qisaal
raas aaya na mere bache ko atharwan saal
tukde tayghon se badan hogaya saara hae hae
kaun tha jis ne mere sher ko maara hae hae
roke bano se ye farmane lage sarwar e deen
sar na peeto abhi zinda hai mera maahe-jabeen
saans aati hai pa har dam hai dam e baad e paseen
kooch inka bhi hai aur ham bhi hai marne ke qareen
sab chute ab na raha koi hamara bano
is jawaan bete ke gham ne hame maara bano
sun ke maadar ki sada khol diye deeda e nam
haath utha kar kaha rowo na mere sar ki qasam
paas aakar hame chaati se laga lo is dam
ran se aaye hai tumhari hi mulaaqat ko ham
phir ye ghar shaah ke iqbal se dekha hum ne
par tumhe aake ajab haal se dekha hum ne
baal kyun bikhre hai kyun phaynk di sar par se rida
neel kyun seene pa hai kyun hai gareban phata
khaak kyun moo pa mali ho ye pisar tum pa fida
shaah dunya may salamat rahe ye kya ye kya
lut gayi ye na sukhan moo se nikalo amma
mai to jeeta hoo kaleje ko sambhalo amma
zaqmi hone ki mere kis ne khabar pahunchayi
jhoot hai maine to hargiz nahi barchi khaayi
aap tak bete ko taqdeer salamat laayi
dekh ke hazrat ke qadam tan may meri jaan aayi
marg se pehle ho maatam ye zaboon hai amma
mere kapdon pa to abbas ka khoon hai amma
boli bano ke jo kehte ho khuda yun hi kare
ay mere laal ye maa teri bala leke mare
lao dho daalun mai jo khoon may kapde hai bhare
chand se haath hai phir kis liye chaati pa dhare
mujko maloom huwa khalq se jaate ho tum
mere rone ke liye zakhm chupate ho tum
bano sadme se na mar jaye ye darr hai beta
sab tere dil ki mere dil ko khabar hai beta
haye seena ye tera khoon may tar hai beta
phir ye kya hai jo nahi zaqme jigar hai beta
sansanata hai jigar jaan chali jaati hai
is lahoo se to mere doodh ki boo aati hai
aarzu hai ke phale phoole mera naqle muraad
tum dulhan byaah ke lao mera ghar ho aabaad
dekhlun aankhon se apni mai tumhari aulaad
phir mai dunya se jo guzroon to rahe rooh bhi shaad
daadi kehlaungi rutba mera bartar hoga
tera farzand bhi hamshakl e payambar hoga
aah ki sun ke ye akbar ne basad ranj o malaal
dard chaathi may utha ghair huwa aur bhi haal
dil may ye soch ke rone laga wo nayk qisaal
hum safar karte hai amma ko hai shaadi ka khayaal
barr may hoega kafan khaak pa chehra hoga
na dulhan hogi na aulaad na sehra hoga
رن سے جب خاک سناں اکبر زیشان آے
ماں کی خدمت میں کوئی آن کے مہماں آے
گھر میں لاشہ کو لیےء شاہ شہیداں آے
نوحہ گر خاک بسر چاک گریباں آے
دی صدا قتل ہوے یوسف ثانی بانو
مل گیء خاک میں اکبر کی جوانی بانو
دیکھلے آخری دیدار پسر مرتا ہے
سامنے آنکھوں کے یہ نورِ نظر مرتا ہے
اب کوئی دم میں میرا رشک قمر مرتا ہے
منہ سے باہر ہے زباں تشنہ جگر مرتا ہے
دم ہے سینے میں رکا زخموں سے خوں جاری ہے
شہر بانو تیرا گھر لٹنے کی تیاری ہے
پہنچی خیمے میں جو حضرت کی یہ پر درد صدا
مضطرب ہو گےء ناموس رسولِ دو سرا
کہا چلا کے سکینہ نے کہ ہاے ہاے بھیا
فضہ دوڑی سوے در پھینک کے سر پر سے ردا
پیٹتی زینب مضطر نکل آی باہر
بانو گھبرا کے کھلے سر نکل آئ باہر
شہ کے کاندھے پہ جو دیکھا علی اکبر کو نڈھال
ہاتھ پھیلا کے یہ چلای کہ ہاے ہاے میرے لال
کیا غضب ہو گیا اے بادشاہ نیک خصال
راس آیا نہ میرے بچے کو اٹھارہواں سال
ٹکڑے تیغوں سے بدن ہوگیا سارا ہاے ہاے
کون تھا جس نے میرے شیر کو مارا ہاے ہاے
روکے بانو سے یہ فرمانے لگے سرور دیں
سر نہ پیٹو ابھی زندہ ہے میرا ماہ جبیں
سانس آتی ہے پہ ہر دم ہے دم بعد پسیں
کوچ ان کا بھی ہے اور ہم بھی ہیں مرنے کے قریں
سب چھٹے اب نہ رہا کوئی ہمارا بانو
اس جواں بیٹے کے غم نے ہمیں مارا بانو
سن کے مادر کی صدا کھول دیےء دیدۂ نم
ہاتھ اٹھا کر کہا رووء نہ میرے سر کی قسم
پاس آکر ہمیں چھاتی سے لگا لو اس دم
رن سے آے ہیں تمہاری ہی ملاقات کو ہم
پھر یہ گھر شاہ کے اقبال سے دیکھا ہم نے
پر تمہیں آکے عجب حال سے دیکھا ہم نے
بال کیوں بکھرے ہیں کیوں پھینک دی سر پر سے ردا
نیل کیوں سینے پہ ہے کیوں ہے گریبان پھٹا
خاک کیوں منہ پہ ملی ہو یہ پسر تم پہ فدا
شاہ دنیا میں سلامت رہے یہ کیا یہ کیا
لٹ گیء یہ نہ سخن منہ سے نکالو اماں
میں تو جیتا ہوں کلیجے کو سنبھالو اماں
زخمی ہونے کی میرے کس نے خبر پہچای
جھوٹ ہے میں نے تو ہرگز نہیں برچی کھای
آپ تک بیٹے کو تقدیر سلامت لای
دیکھ کے حضرت کے قدم تن میں میری جان آی
مرگ سے پہلے ہو ماتم یہ زبوں ہے اماں
میرے کپڑوں پہ تو عباس کا خوں ہے اماں
بولی بانو کہ جو کہتے ہو خدا یوں ہی کرے
اے میرے لال یہ ماں تیری بلا لے کے مرے
لاؤ دھو ڈالوں میں جو خون میں کپڑے ہیں بھرے
چاند سے ہاتھ ہیں پھر کس لےء چھاتی پہ دھرے
مجھکو معلوم ہوا خلق سے جاتے ہو تم
میرے رونے کے لئے زخم چھپاتے ہو تم
بانو صدمے سے نہ مر جاۓ یہ ڈر ہے بیٹا
سب تیرے دل کی میرے دل کو خبر ہے بیٹا
ہاے سینہ یہ تیرا خون میں تر ہے بیٹا
پھر یہ کیا ہے جو نہیں زخم جگر ہے بیٹا
سنسناتا ہے جگر جان چلی جاتی ہے
اس لہو سے تو میرے دودھ کی بو آتی ہے
آرزو ہے کہ پھلے پھولے میرا نقل مراد
تم دلہن بیاہ کے لاؤ میرا گھر ہو آباد
دکھلوں آنکھوں سے اپنی میں تمہاری اولاد
پھر میں دنیا سے جو گزروں تو رہے روح بھی شاد
دادی کہلاؤں گی رتبہ میرا برتر ہوگا
تیرا فرزند بھی ہمشکل پیمبر ہو گا
آہ کی سن کے یہ اکبر نے بصد رنج و ملال
درد چھاتی میں اٹھا غیر ہوا اور بھی حال
دل میں یہ سونچ کے رونے لگا وہ نیک خصال
ہم سفر کرتے ہیں اماں کو ہے شادی کا خیال
بر میں ہوے گا کفن خاک پہ چہرہ ہوگا
نہ دلہن ہوگی نہ اولاد نہ سہرا ہوگا