jab daakhil e behisht rasoole khuda huwe
yaani jahan se raahi e mulke baqa huwe
mehzoo wo dil malool shaah e lafata huwe
sibtain gham may nana ke sarfe buka huwe
sadma har ek ko tha janab e rasool ka
par haal ghair sab se siwa tha batool ka
gaahey ali se kehti thi rokar wo dardnaak
waali nabi ko tum ne sulaaya ba zere khaak
kyun kar chupaya qabr may tumne wo roo e paak
hai hai pidar halaak ho beti na ho halaak
itna to kehte paainti kis ko sulaoge
poocha to hota fatema ko kab bulaoge
bhoola tha is khalq may hussain o hassan ka pyar
aur pyar tha to ye tha ke kehti thi baar baar
kaandhe pa apne nana ke hote nahi sawaar
ab gesu e nabi ko banate nahi mehaar
bete to maa se kehte thay nana kidhar gaye
maa poochti thi beton se babaa kidhar gaye
bistar se tharthara ke uthi thaam kar asa
qabre nabi pe fateha e aakhri pada
humsaiyon ke ghar gayi ruqsat ko aur kaha
lo saahebo bahal karo ab kooch hai mera
eeza thi tum sabon ko mere shor o shain se
kal fatema na hoyegi tum sona chain se
hum saaiyah ke huqooq se aagah hai jahan
logo mere yateemon se rehna nigah baan
ab saath inka aur tumhara hai hum kahan
bin maa ki hoti hai meri dukhyari betiyan
bachpan pe apne bachon ke aansu bahati hoo
tum par hassan hussain ko mai chode jaati hoo
rokar kabhi hassan ko gale se laga liya
aaghosh may hussain ko gaahe bitha liya
ruqsat kiya kisi ko kisi ko bula liya
padne ke waaste kabhi quran utha liya
kehti thi gaah bachon se moo apna mod ke
kal soone ghar may sona hai basti ko chod ke
sunlo wasiyatein meri is waqt ya imam
fizza se mere baad adalat se lena kaam
hushyar fatema ki amanat se subh o shaam
do betiyan do bete hai bas aur khuda ka naam
maine bade dukhon se ye sab bache paale hai
haq ke hawale tum ye tumhare hawale hai
sab hashmi qasam meri ismat ki khaate hai
mujhko arab ki rasm se andeshe aate hai
aurat ka murda taqte pa rakh kar uthaate hai
aasaar is may murde ke sab paye jaate hai
deti hoo mai qasam tumhe rooh e rasool ki
waali na yun uthaiyo mayyat batool ki
hai aarzoo ke qabr may mujhko hassan litaye
shabbir mere murde ka moo qible roo phiraye
phir khud kaha nahi nahi bacha hai darr na jaye
nagaah khelte huwe dono yateem aaye
chaati laga ke boli ke lo hum to marte hai
tum se salook dekhiye kya log karte hai
lekar balayein beti ki zehra ne ye kaha
roti to hoo ziyada na zainab mujhe rula
kuch bhaiyon ke saumpne ka samjhi mud'dua
tu unki rone waali hai zehra tere fida
kya bas mera jo marzi e parwardigaar hai
zainab tamaam kunbe ki tu sogwaar hai
ye kehti thi ke ghash ne diya maut ka payaam
hujre se nikle rote huwe aqroba tamaam
tarteeb e nash ke liye baahar gaye imam
zehra ne yan musalle pa apna kiya muqaam
likha hai bas namaz isha ki ada hui
aur ghul utha ke binte nabi ki qaza hui
maatha hassan ne murde ke maathe pe rakh diya
ro ro ke amma amma kaha aur ghash hua
talwon se apne maathe ko shabbir ne mala
paon may dam na paaya to ye kaan may kaha
mai aap ka ghulam hoo aur noor e ain hoo
awaaz do hussain hoo amma hussain hoo
جب داخل بہشت رسولِ خدا ہوے
یعنی جہاں سے راہیء ملک بقا ہوے
محزوں وہ دل ملول شاہ لافتی ہوے
سبطین غم میں نانا کے صرف بکا ہوے
صدمہ ہر ایک کو تھا جناب رسول کا
پر حال غیر سب سے سوا تھا بتول کا
گاہے علی سے کہتی تھی روکر وہ درد ناک
والی نبی کو تم نے سلایا بہ زیر خاک
کیونکر چھپایا قبر میں تم نے وہ روے پاک
ہے ہے پدر ہلاک ہو بیٹی نہ ہو ہلاک
اتنا تو کہتے پایینتی کس کو سلاؤ گے
پوچھا تو ہوتا فاطمہ کو کب بلاؤ گے
بھولا تھا اس خلق میں حسین و حسن کا پیار
اور پیار تھا تو یہ تھا کہ کہتی تھی بار بار
کاندھے پہ اپنے نانا کے ہوتے نہیں سوار
اب گیسوئے نبی کو بناتے نہیں مہار
بیٹے تو ماں سے کہتے تھے نانا کدھر گےء
ماں پوچھتی تھی بیٹوں سے بابا کدھر گےء
بستر سے تھر تھرا کے اٹھی تھام کر عصا
قبر نبی پہ فاتحہء آخری پڑھا
ہمساییوں کے گھر گیء رخصت کو اور کہا
لو صاحبو بہل کرو اب کوچ ہے میرا
ایذا تھی تم سبھوں کو میرے شور و شین سے
کل فاطمہ نہ ہوے گی تم سونا چین سے
ہم سایہ کے حقوق سے آگاہ ہے جہاں
لوگوں میرے یتیموں سے رہنا نگاہ باں
اب ساتھ ان کا اور تمہارا ہے ہم کہاں
بن ماں کی ہوتی ہیں میری دکھیاری بیٹیاں
بچپن پہ اپنے بچوں کے آنسوں بہاتی ہوں
تم پر حسن حسین کو میں چھوڑے جاتی ہوں
روکر کبھی حسن کو گلے سے لگالیا
آغوش میں حسین کو گاہے بٹھا لیا
رخصت کیا کسی کو کسی کو بلا لیا
پڑھنے کے واسطے کبھی قرآں اٹھا لیا
کہتی تھی گاہ بچوں سے منہ اپنا موڑ کے
کل سونے گھر میں سونا ہے بستی کو چھوڑ کے
سن لو وصیتیں میری اس وقت یا امام
فضہ سے میرے بعد عدالت سے لینا کام
ہوشیار فاطمہ کی امانت سے صبح و شام
دو بیٹیاں دو بیٹے ہیں اور بس خدا کا نام
میں نے بڑے دکھوں سے یہ سب بچے پالے ہیں
حق کے حوالے تم یہ تمہارے حوالے ہیں
سب ہاشمی قسم میری عصمت کی کھاتے ہیں
مجھکو عرب کی رسم سے اندیشے آتے ہیں
عورت کا مردہ تختے پہ رکھ کر اٹھاتے ہیں
آثار اس میں مردے کے سب پاے جاتے ہیں
دیتی ہوں میں قسم تمہیں روح رسول کی
والی نہ یوں اٹھاییو میت بتول کی
ہے آرزو کہ قبر میں مجھکو حسن لٹاے
شبیر میرے مردے کا منہ قبلے کو پھراے
پھر قد کہا نہیں نہیں بچہ ہے ڈر نہ جاے
ناگاہ کھیلتے ہوے دونوں یتیم آے
چھاتی لگا کے بولی کہ لو ہم تو مرتے ہیں
تم سے سلوک دیکھےء کیا لوگ کرتے ہیں
لیکر بلایں بیٹی کی زہرا نے یہ کہا
روتی تو ہوں ذیادہ نہ زینب مجھے رلا
کچھ بھاییوں کے سونپنے کا سمجھی مد دعا
تو ان کی رونے والی ہے زہرا تیرے فدا
کیا بس میرا جو مرضیء پروردگار ہے
زینب تمام کنبے کی تو سوگوار ہے
یہ کہتی تھی کہ غش نے دیا موت کا پیام
حجرے سے نکلے روتے ہوئے اقرباء تمام
ترتیب نعش کے لئے باہر گےء امام
زہرا نے یاں مصلے پہ اپنا کیا مقام
لکھا ہے بس نماز عشاء کی ادا ہوی
اور غل اٹھا کہ بنت نبی کی قضا ہوے
ماتھا حسن نے مردے کے ماتھے پہ رکھ دیا
رو رو کے اماں اماں کہا اور غش ہوا
تلوؤں سے اپنے ماتھے کو شبیر نے ملا
پاؤں میں دم نہ پایا تو یہ کان میں کہا
میں آپکا غلام ہوں اور نور عین ہوں
آواز دو حسین ہوں اماں حسین ہوں