pidar ki maut hai marna jawan bete ka
safar jahan se karna jawan bete ka
ghazab hai khoon may bharna jawan bete ka
sitam hai jee se guzarna jawan bete ke
shabaab tha ke shah-e-mashraqain se choote
mohibbo peeto ke akbar hussain se choote
khuda pidar ko na dikhlaye marg-e-raahat-e-jaan
kaleja zakhmi ho jab dil ko phir qaraar kahan
udhar to seena-e-akbar se guzri noke sina
lahoo idhar huwa chashme imaam-e-deen se rawan
tadap ke jaanib e gardoon nigaah ki sheh ne
zameen hil gayi ek aisi aah ki sheh ne
pukaarte huwe daude mere shaheed pisar
mere jawan mere mahroo mere saeed pisar
mere haseen mere yousuf mere rasheed pisar
qareeb ho kahin maidan se ya baeed pisar
pidar pa aaj nayi waredaat hai beta
khabar nahi mujhe din hai ke raat hai beta
kidhar gaye mere gul payrahan ali akbar
mere khaleekh mere kam sukhan ali akbar
jawana marg ghareeb-ul-watan ali akbar
ujaad kar gaye mera chaman ali akbar
bula ke ghar se yahan ashqiyan ne loot liya
duhaai hai ke mujhe karbala ne loot liya
pukaarte thay ke ay sher phir pukaar mujhe
nahi batane ke laasha ye naabakaar mujhe
tere firaaq may hai zeest na gawaar mujhe
sada sunaade mai sadqe phir ek baar mujhe
galay lagaloo ke seena hamara jalta hai
kaleja moo se koi dam may an nikalta hai
pukaari dewdi se bano pisar mila ke nahi
batao marham-e-zakhm-e-jigar mila ke nahi
sitam ke abr may mera qamar mila ke nahi
ali ke laal wo aali gohar mila ke nahi
shitaab lao mere mannaton ke paale ko
tumhi se loongi mai apne muraadon waale ko
ye zikr tha ke sada aayi door se nagaah
janaab-e-qibla-o-kaaba ab aaiye lillaah
huzoor haal se bete ke kya nahi aagaah
zabaan aynth gayi hai ghulaam ki ya shaah
ukhad raha hai dam ab maut jaan leti hai
pukarne ki bhi taaqat jawab deti hai
sada ye sunte hi sultan-e-behrobar daude
ye dard-e-dil tha ke thaame huwe jigar daude
kabhi to fauj pa maanind-e-sher-e-nar daude
kabhi idhar gaye rote kabhi udhar daude
luti hui wo kamayi basad talaash mili
zameen pa khoon may ghaltan pisar ki laash mili
ajeeb haalat-e-farzand-e-naujawan dekhi
atash se honton pa nikli hui zabaan dekhi
qamar se chehre pa zardi labon pa jaan dekhi
kaleja phat gaya seene may jab sina dekhi
pidar ke saamne bete ka dam ukhadta tha
hussain dekhte thay aur ghar ujadta tha
khareeb laashe pisar baith ke ye farmaye
zameen-e-garm se beta utho ke ham aaye
sada ye sunte hi akbar ne haath phailaaye
lipat ke laash se shah lab pa ye suqan laaye
gale lagalo ke mohamad ka mai nawasa hoo
zaban dikhake kaha ya hussain pyasa hoo
ye kehke shaah se khainchi ghareeb ne ek aah
jigar may hone laga dard aah ke hamraah
ajeeb yaas ki nazron se dekh kar ruq-e-shaah
kaha ke ashadu an la ilaha illallaah
bas aur kehna sake kuch ye haal ghair huwa
suye behisht gaye khatema bakhair huwa
پدر کی موت ہے مرنا جوان بیٹے کا
سفر جہان سے کرنا جوان بیٹے کا
غضب ہے خون میں بھرنا جوان بیٹے کا
ستم ہے جی سے گزرنا جوان بیٹے کا
شباب تھا کہ شہ مشرقین سے چھوٹے
محبوں پیٹو کہ اکبر حسین سے چھوٹے
خدا پدر کو نہ دکھلاے مرگ راحت جاں
کلیجہ زخمی ہو جب دل کو پھر قرار کہاں
ادھر تو سینۂ اکبر سے گزری نوکِ سناں
لہو ادھر چشم امام دیں سے رواں
تڑپ کے جانب گردوں نگاہ کی شہ نے
زمین ہل گیء اک ایسی آہ کی شہ نے
پکارتے ہوئے دوڑے میرے شہید پسر
میرے جواں میرے مہرو میرے سعید پسر
میرے حسیں میرے یوسف میرے رشید پسر
قریب ہو کہیں میداں سے یا بعید پسر
پدر پہ آج نیء واردات ہے بیٹا
خبر نہیں مجھے دن ہے کہ رات ہے بیٹا
کدھر گئے میرے گل پیرہن علی اکبر
میرے قلیق میرے کم سخن علی اکبر
جوانا مرگ غریب الوطن علی اکبر
اجاڑ کر گےء میرا چمن علی اکبر
بلا کے گھر سے یہاں اشقیاء نے لوٹ لیا
دہائی ہے کہ مجھے کربلا نے لوٹ لیا
پکارتے تھے کہ اے شیر پھر پکار مجھے
نہیں بتانے کہ لاشہ یہ نابکار مجھے
تیرے فراق میں ہے زیست نہ گوار مجھے
صدا سنا دے میں صدقے پھر ایک بار مجھے
گلے لگا لو کہ سینہ ہمارا جلتا ہے
کلیجہ منہ سے کوئی دم میں اب نکلتا ہے
پکاری ڈیوڑھی سے بانو پسر ملا کہ نہیں
بتاؤ مرحم زخم جگر ملا کہ نہیں
ستم کے ابر میں میرا قمر ملا کہ نہیں
علی کے لال وہ عالی گُہر ملا کہ نہیں
شتاب لاؤ میرے منتوں کے پالے کو
تمہیں سے لونگی میں اپنے مرادوں والے کو
یہ ذکر تھا کہ صدا آئی دور سے ناگاہ
جنابِ قبلہ و کعبہ اب آیےء للہ
حضور حال سے بیٹے کے کیا نہیں آگاہ
زبان آینٹھ گیء ہے غلام کی یا شاہ
اکھڑ رہا ہے دم اب موت جان لیتی ہے
پکارنے کی بھی طاقت جواب دیتی ہے
صدا یہ سنتے ہی سلطان بحروبر دوڑے
یہ درد دل تھا کہ تھامے ہوئے جگر دوڑے
کبھی تو فوج پہ مانند شیر نر دوڑے
کبھی ادھر گےء روتے کبھی ادھر دوڑے
لٹی ہوئی وہ کمایء بصد تلاش ملی
زمیں پہ خون میں غلطاں پسر کی لاش ملی
عجیب حالت فرزند نو جواں دیکھی
عطش سے ہونٹوں پہ نکلی ہوئی زباں دیکھی
قمر سے چہرے زردی لبوں پہ جاں دیکھی
کلیجہ پھٹ گیا سینے میں جب سناں دیکھی
پدر کے سامنے بیٹے کا دم اکھڑتا تھا
حسین دیکھتے تھے اور گھر اجڑتا تھا
قریب لاشے پسر بیٹھ کے یہ فرماےء
زمین گرم سے بیٹا اٹھو کہ ہم آے
صدا یہ سنتے ہی اکبر نے ہاتھ پھیلائے
لپٹ کے لاش سے شہ لب پہ یہ سخن آے
گلے لگا لو کہ محمد کا میں نواسہ ہوں
زباں دکھا کے کہا یا حسین پیاسا ہوں
یہ کہکے شاہ سے کھینچی غریب نے اک آہ
جگر میں ہونے لگا درد آہ کہ ہمراہ
عجیب یاس کی نظروں سے دیکھ کر رخ شاہ
کہا کہ اشہدو اللہ الہ الااللہ
بس اور کہنا سکے کچھ یہ حال غیر ہوا
سوےء بہشت گےء خاتمہ بخیر ہوا