mujrae qalq may in ankhon ne kya kya dekha
par kaheen sibte payambar sa na aaqa dekha

maine dekha alam e shah ko aaluda e khoon
maine abbas ko bejaan labe darya dekha

maine dekha ali asghar ka gala khoon may tar
maine zaqmi ali akbar ka kaleja dekha

ek ghatri shahe deen pusht pe laaye usmay
maine tukde huye qasim ka sarapa dekha

berida qalq ne us bibi ke sarko dekha
jiski maadar ka kisi ne na janaza dekha

kehti thi zainab e muztar ke khuda qair kare
raat ko khaab may uryan sar e zahra dekha

gir pade sibte nabi thaam ke haathon se jigar
ali akbar ko jo reti pe tadapta dekha

haye kyun ho na gayi kaur ke in aankhon ne
qaaid khane may sakina ka janaza dekha

jaake zainab ne madine may kaha sughra se
kahoo kis moo se ke pardes may kya kya dekha

zulm ay mujraee sajjad ne kya kya dekha
ghar luta qaid huwe baap ka laasha dekha
Salaam - Mujraee Qalq May

Reciter: Shafqat Amanat Ali
Download mp3
Listen Online