aa
aaqmi sina se ran may jo sheh ka pisar huva
har simt se laeen har ek hamlawar huva
tar khoon may marqae qairul bashar huva
aqir juda iqaab se wo seenbarr huva
                   maqtal may kya hujoom tha us noore ain par
                   parwane gir rahe thay chirage hussain par


girna tha bas ke sar pa laga gurz aye sitam
tun jhuk gaye ke hote hai sajde may jaise qam
rakhdi gale pa sheesh ne shamsheere tez dum
talwar ek padi ke hui phasliyan qalam
                   ghul tha karo na rahm tan-e-paash paash par
                   dowda do ghode akbare mehroo ki laash par


hazrat khade thay qaime ki pakde hue tanaab
sun kar ye ghul rahi na dile naatawan ko taab
nagaah aayi ran se sada ay falak janab
beta jahan se jata hai ab aaiye shitaab
                   laashe pa zulme jor badh af-aal karte hai
                   ghodon se ahle keen hamay pamaal karte hai


sunkar ye ishtaghasa farzande khush qisaal
sayyad ne aah ki hila arshe zuljalaal
khole janabe fatema ki betiyon ne baal
bano pukari qair to hai ay ali ke laal
                   hai hai pisar se kaunsi maadar bichad gayi
                   sahab batao kya meri basti ujad gayi


naize se kiske laal ka zakhmi hua jigar
karte hai kiski laash ko pamaal ahle shar
kehta hai haun ran may tadap kar pida pidar
ab ghar se mai nikalti hoo ya sayyedul bashar
                   parda na mujse kijiye sab jaanti hoo mai
                   awaaz ye usi ki hai pehchanti hoo mai


bano ko qasmay deke chale shahe naamdar
wo pyas aur wo dhoop ka sadma-o-izteraab
dil tha ulat palat to kaleja tha beqarar
uth-te thay aur zameen pa girte thay baar baar
                   chillate thay shabihe payambar hum aate hai
                   ghabraiyo na ay ali akbar hum aate hai


aa-un kidhar ko ay ali akbar jawab do
chilla rahe hai dewdi par maadar jawab do
akbar baraae qaliqe akbar jawab do
beta jawab do mere dilbar jawab do
                   girte hai hum sawab ka hathon se kaam lo
                   beta zaeef baap ke bazu ko thaam lo


laashe pisar ko dhoondte thay shahe behrobar
sar peetne ki ja hai ke hanste thay ahle shar
kehta tha shumr ay pisar syed-ul-bashar
kisko huzoor dhoondte hai margaya pisar
                   khud dhoond lijiye jasad-e-paash paash ko
                   batlaenge na hum ali akbar ki laash ko


ye sunke khaynch li shehe wala ne zulfiqar
chanki jo barq taygh to bhaage sitam shiaar
sheh ko nazar pada ali akbar ka rahwaar
chillaye ay aqaab kidhar hai tera sawaar
                   dikhlaade mujko laash mere noore ain ki
                   kis dasht may padi hai biza-ath hussain ki


ghode ne hinhina ke suye dasht ki nazar
yaane ke laash aapke pyare ki hai idhar
jaata tha aagay wo taazi bachashme tar
ghode ke peeche haate thay hazrat barehna sar
                   jungal may laashae pisar-e- naujawan mila
                   wo mehlaqa mila pa magar neem jaan mila


hichki ke saath kehte hai wa karke chashme tar
ay jaane jism zaar may ek dum zara tehar
ay maut bewatan ki jawani pa reham kar
ay dard tham zara ke pahadakta hai ab jigar
                   phir ek baar sayyade wala ko dekhloo
                   mohlath bus itni de ke mai baba ko dekhloo


dushman ko bhi na bete ka laasha khuda dikhaaye
hazrath zameen pa girke pukaare ke haaye haaye
zinda rahe ye peer jawan yun jahan se jaaye
ay laal teen roz ke faaqe may zaqm khaaye
                   shayad jigar ke zaqm se tum beqaraar ho
                   zaqmi tumhari chaati pa baba nisaar ho
Marsiya - Zaqmi Sina Se Ran May

Marsiaqan: Jaffar Ali
Download mp3
Listen Online