zaqmi jo ran may fatema ka gulbadan hua
aur purze purze tan may libaas e kohan hua
ghash pushte zuljana pa shaah e zaman hua
daste alam se chaak nabi ka kafan hua
      zaqmon ke moo se khoon ke darya ubal pade
      sar nange qabr se shahe mardan nikal pade

mazloom kehta jaata tha mai be gunaah hoo
maaro na mujh ko sibte risaalat panaah hoo
tum logon ka khuda ki qasam khair qaah hoo
is khaul par khuda ko mai rakta gawaah hoo
      kuch rehm aata tha na kisi naabakaar ko
      shamsheere maarte thay ghareebud dayaar ko

naiza laga jo seene pa tharra ke reh gaye
baitha jo teer maathe pa teoura ke reh gaye
girne lage to haathon ko lat-kaake reh gaye
shukr e khuda zubaan se farmake reh gaye
      akbar na thay jalooh may na abbas paas thay
      mazloom beech may tha adoo aas paas thay

seene pa bhala rakh ke giraya hussain ko
jee bhar ke zaalimon ne sataya hussain ko
girne pa khaak thoda banaya hussain ko
hai zulm ki ye hadh ke ghash aaya hussain ko
      par dekhiyo hawaas shahenshaah e naik ke
      sajde may sar jhuka diya haathon ko tayk ke

aaya sarhane taygh bakaf shimr e ro siyaah
bola gala ke mai hoo payambar ki bosagaah
dil ne kaha ke seena hai ganjeena e ilaah
baitha ye us jagah ke unhain jaaye sharah aah
      is zulm e nou se charqe kohan kaampne laga
      aisa hussain tadpe ke ran kaampne laga

pani wo maangte hai pilata nahi koi
is dard ko khayaal may laata nahi koi
kya qahar hai ke paas bhi aata nahi koi
seene se be haya ko uthaata nahi koi
      amma tumhari peet'ti hai bilbilaati hai
      wo bete se lipat'ti hai hoorein chudhaati hai

akbar ka sadqa aap mere kaam aaiye
loundi ke baal kholke bewa banaiye
aakhir huwa suhaag meri nath badhaiye
bhabi hassan ko roti thi kyunkar bataiye
      rand saala mai talab nahi karti janaab se
      mahroom to na rakhiye azaa e sawaab se

zainab pukaari aao galsy se lagaalun mai
aao jabeen pa khaak maloon nath badhaoon mai
maa ne dulhan banaya tha bewa banaun mai
maango duaa zameen phate aur samaoon mai
      hai hai bichad ke gaur kanare gaye hussain
      jeeti rahi mai rone ko maare gaye hussain
Marsiya - Zaqmi Jo Ran May Fatema

Reciter: Alamdar Razvi
Download mp3
Listen Online