qaid khane may talatum hai ke hind aati hai
duqtar e fatema ghairat se muee jaati hai
rooh khaalib may wo zindaan may ghabrati hai
be hawaasi se har ek baar wo chillaati hai
      aasman door zameen saqt kidhar jaaun mai
      bibiyon milke dua maango ke mar jaaun mai

kya karoon kya na karoon jald batao logon
sadqa akbar ka hiqaarat se bachao logon
oatt karke ho khade mujh ko chupao logon
ya kisi goshay may le jaake bithao logon
      sar khuli ho kisi hujre may mujhe bandh karo
      hind aati hai mujhe khaak ka paiwandh karo

is tarha hind ke aane se na ghabraun mai
binte hyder hoon na kyun qaid may sharmaun mai
koi deewaar jo shaq ho to sama jaaun mai
seedhe maa-jaaye ke maqtal ko chali jaaun mai
      karbala may na ye zillat hai na ruswaai hai
      be rida mai hoon to be-gor mera bhai hai

naagaah fizza ne di ahle haram ko ye khabar
hind aati hai bade jaaho tajammul se idhar
beeraqay nuqra o zar ki hai juloo ke andar
sab kaneezein to rida odhi hai wo nange sar
      par sawari bahut aahista rawaan hoti hai
      har qadam hind teher jaati hai aur roti hai

kehti hai qaidiyon ki shor e buka ne maara
mujhko is haye hussaina ki sada ne maara
inke sardaar ko kis ahle jafa ne maara
kya wo syed tha jise ahle dagha ne maara
      ek bijli si kaleje pe mere girti hai
      nange sar fatema aankhon ke talay phirti hai

hogaya zibha koi qhaasa e baari logon
ins o jin hoor o malak karte hai zaari logon
le chalo suye najaf meri sawaari logon
hogi mushkil wahin aasaan hamari logon
      khair se hai mere aaqa to wo sote honge
      warna marqad may ali bete ko rote honge

bar e zindan pa huwa itne may amboh kamaal
bole darbaan badhe doulat o umr o iqbaal
qaidiyo utho adab se karo sab isteqbaal
zan e haakim ka hai zindan may nuzool o ajlaal
      qasr e shaahi se jo tashreet yahan laati hai
      parwarish karne ko tum sab ki huzoor aati hai

loundiyaan thi zan e haakim ke juloo may jo rawaan
dekhti kya hai ke ek sher hai aahan may nihaan
laaghar o qasta tan o faaqakash o tashna dahaan
moo pa saili ke nashan pusht pa durron ke nashan
      saaqe pa faaqe se zanjeer may thar'rati hai
      isthekhanon se larazne ki sada aati hai

sab ne moo karke suye hind ye ki nauha giri
dekhiye shaam ke zindaan may charaaghe sahari
yaade khaaleq may jo hai qalq se hai be qabari
kyun musalsil kiya ye to hai adam ka safari
      kis ne dam band kiya touq e jafa se iska
      silsila milta hai kuch sher e khuda se iska

gird aabid ke phiri hind ba haal e tagheer
rakh diya paon pa sar apna hatakar zanjeer
bole wo kaun hai boli ke kaneez e shabbir
assalaam ay rasan o touq o salaasal ke aseer
      hai wasiyyat ka mahal marne pa tayyar hai too
      kuch kafan ke liye rakhta hai ke naadaar hai too

gham na kar gor o kafan mai tujhe doongi lillaah
nange sar tere janaze ke chaloongi hamraah
marne waale tera kya naam hai kab se hai tabaah
bole maula abhi chaalees baras jeena hai aah
      naam bekas bhi hai qaidi bhi hai beemar bhi hai
      haal ye hai ke aseer bhi hai aazaar bhi hai

hind ne poocha maraz kya hai kaha bepidari
roke wo boli dawa kya hai kaha nauhagiri
ghar ko daryaaft kiya kehne lage darbadari
boli leta hai qabar kaun kaha be qabari
      aah karne ka sabab poocha to sharmaane lage
      taaziyanon ke nashaan pusht pa dikhlaane lage
Marsiya - Qaid Khane May Talatum