pardes may muslim ke yateemon pa jafa hai
darya pa paye khatl adoo le ke chala hai
chota to bade bhai ka moo dekh raha hai
roz usko madad ka nahi mashghoole buka hai
     be-rehm ke qaabu may hai do naazon ke paale
     har soo nigraan hai ke koi aake bachaale

chote ko bada bhai hai bad bad ke bachata
har baar hai musaff ki tarha beech may aata
ro deta hai kuch kahne ka mauqa nahi paata
be saaktha ek baat zaban par hai ye laata
     sun haal ghareebon ka khuda ke liye dam le
     ab hum tere ghar may kabhi aaye to qasam le

kuch ghar may tere chain nahi paaya hai aisa
toda hai faqath pani se faaqa kayi din ka
khud aaye nahi ki teri zowja ne tamanna
hujre may namazein hai paday aur kiya kya
     hum bache hai to apni buzurgi pa amal kar
     taqseer jo kuch humse huwi ho wo bahal kar

ye jurm hai bin pooche jo aaye hai tere ghar
hujre may rahe shab ko bhi be-daar barabar
kurte phate gaysu kheenchi sayli lagi hum par
takleef bahut de chuka ab chod sitamgar
     jangal may kahin baith ke hum royenge zaalim
     moo karke tere ghar ko na ab soyenge zaalim

sunta na tha mazloomon ki ek baat sitamgar
dete thay nida zouja e haaris ko ye bad kar
ye jaante to hum kabhi aate na tere ghar
mehmanon ko apne tu bachati nahi maadar
     chudwade ke pakde huwe zulfoun ko adoo hai
     amma nahi baba nahi jo kuch hai so tu hai

baalon ko bikhere huwe wo momina thi saath
mazloomon ko zaalim se chudaati thi wo khush zaat
kahti thi khuda ke liye kya karta hai bad-zaath
geh paon pa sar rakhti thi geh baandti thi haath
     bas bas ke zameen ab to hili jaati hai zaalim
     zehra mujhe sar nange nazar aati hai zaalim

zalim ne tah e taygh kiya zouja ko us aan
ya fatima keh kar huwi zehra pa wo qurban
darya pa adoo layaa unhe pakde garebaan
di taygh ghulam e habashi ko wahan uryaan
     ghusse se kaha dono ko ungli se dikha kar
     aan kaatle sar unke kinare pe tu jaa kar

talwar ko chamka ke bada wo habashi aah
ye taygh talay sar ko jhuka kar huwe hamraah
likha hai ke tha wo habashi marde haq aahgah
raste may khitaab us se kiya dono ne nagaah
     hamshakl bilaal e shah e loulaak ka tu hai
     sach keh ke payambar ka mohib hai ke adoo hai

farzand ko di haaris e maloon ne talwaar
aur bola ke sar kaat le in dono ke ek baar
wo bola ke mujse ye nahi hoega zinhaar
ye tu hi hai badh-baqt siyah roo wo jafakaar
     haaris tu pidar kis ka shaqi e azali hai
     maa fatima hai mominon ki baap ali hai

to kaur hai zaalim nazar aaye tujhe kyun kar
le dekh nabi rote hai darya pa khule sar
ye sunke utha haaris e maloon e sitamgar
zaalim ne kaha mujhko nahi khauf e payambar
     ek taygh tale dono baradar ko bitha kar
     sar kaata bade bhai ka chote ko dikha kar

sar paas rakha laash ko darya me bahaya
bhai ke gale ka jo lahoo khaak pe paaya
ulfat se baradar ka lahoo josh may aaya
tab jod ke haath apne ye qaatil ko sunaya
     pochun ye lahoo kurte se talwar jhuka de
     loutun bade bhai ke lahoo may jo riza de

wo bola ke ho shouq se ghaltan mujhe kya darr
bhai ke lahoo may wo laga loutne gir kar
kehta tha bade bhai kahan dhoonde baradar
tum to abhi baithe huwe thay mere baradar
     kis ne hi naseeb aise ulat'te huwe dekha
     bhai ne gala bhai ka kat'te huwe dekha
Marsiya - Pardes May Muslim Ke Yateemon

Reciter: Jaffar Ali
Download mp3
Listen Online