kehti thi ran may aake sakina jawab do
jaane nabi-o-fatema zehra jawab do
kyon so rahe ho khaak pa tanha jawab do
aayi hoo tum ko dhoondne iss jaa jawab do
     marti hoo tum pa mere masiha jawab do
     baba jawab do mere baba jawab do

zakhmi huwe hai kaan mere chin gaye gowhar
kis se kahoon ke zakhmo'n may hai dard-e-bestr
faryad tumse karne mai aayi hoo ay pidar
hai khabiley mulahiza ye haal sar ba sar
     dekho ye khoon bhara huwa kurta jawab do
     baba jawab do mere baba jawab do

qaidi banakey shaam ko ley jaatey hain hamey
pursa nahi hai koi ke kuch insey ham kahey
faryad ghamzadon ki na Hazrat bhi gar suney
kab tak in afato'n mein rahein aah kia karey
     kya keh rahi hoon sayyad-e-wala jawab do
     baba jawab do mere baba jawab do

ay jaan-e-fatema-o-payghambar utho utho
ay noor-e-ain faatah  khyber utho utho
dekho aseer ho gayi khwahar utho utho
chilla rahi hai aap ki dukhtar utho utho
     kya so rahe ho beti ke shayda jawab do
     baba jawab do mere baba jawab do

be-gor kaun pade hai tumhare rafeeq sab
laashe ye jalti reti pe mai dekhti hoon jab
hota hai mere dil pe dubala gham-o-taab
dafnata inko koi nahi hai iska kya sabab
     kyon be-kafan har ek ka hai laasha jawab do
     baba jawab do mere baba jawab do

aati hai daadi jaan ki awaaz yan suno
kis dard se pukarti hai baba jaan suno
karti hai kaisi ranj-o-alam ki bayan suno
kya so rahe ho bint-e-nabi ki fughan suno
     kin minnato'n se kehti hai zehra jawab do
     baba jawab do mere baba jawab do
Marsiya - Kehti Thi Ye Ran May

Reciter: Naqeebe Soz-e-Karbala
Download mp3
Listen Online