jis dam hassan ka zaher se tukde jigar hua
sipaara dil ka aahon se zer o zabar hua
sim ka jo rooh e paak pa zaaher asar hua
haal us imam e paak ka is dam digar hua
      raahat may farq aur shikam may qalaal pada
      kat kar kaleja tasht ke andar nikal pada

bistar pa dard e dil se tadapne lage imam
sadme se sabz hone laga roohe surq faam
chilliaye haath se ye kaleje ko thaam thaam
daudo bahan ke kaam hamara huwa tamam
      ye kehte kahte zard ruqe paak hogaya
      chillate thay ke haaye jigar chaak hogaya

daudi janabe zainab e bekas ba-rahna pa
dekha ke laut'te hai bichone pe mujtaba
boli ye sar ko peet ke wo gham may mubtela
hae hae bahan nisaar ho bhai ye kya huwa
      kya phir kisi ne zaher e dagha se pila diya
      kis ne mere kaleje pe khanjar chala diya

takiya laga rahe thay haram jo idhar udhar
baazu ko thaam leti thi koi to koi sar
farmaya laao tasht huwa zaher ka asar
reh reh ke koi kaat'ta hai taygh se jigar
      badta tha jab ke dard jigar may imam ke
      jhukte thay baar baar kaleje ko thaam ke

zainab ne jald laake rakha saamne lagan
haathon se dil pakad ke jhuke sarwar e zaman
aayi jo khay to kaane jauhar bana dahan
almaas khaake laal ugalne lage hassan
      range zamroodi ka asar ab ayaan hua
      meraj ki hadees ka matlab ayaan hua

farmate thay hassan ke bulao hussain ko
tha dam-ba-dam ye hukm ke lao hussain ko
bhai ka haale zaar sunao hussain ko
tukde mere jigar ke dikhao hussain ko
      kehdo ke jald aaiye rahlat ka waqt hai
      sun jaye ye kuch aake wasiyat ka waqt hai

aaye hussain itne may ba-chashm ashk baar
chillaate thay ke aap ki ghurbath ke mai nisaar
shabbar gale ko choom ke kahte thay baar baar
mai tum pa sadqe ay mere nana ke yaadgaar
      mujh se zyada zulm o sitam tum pa hoyenge
      ham qabr may tumhari musibat pa royenge

bhaiya tumhari godh may niklega mera dam
tum doge hamko ghusl o kafan jab marenge ham
hoga tumhare paas na koi bajuz alam
qaatil sarhane hoega ya khanjar e sitam
      shabbar to baad e marg bhi raahat se soyega
      laasha tumhara ghodon se pamaal hoyega

bole katora leke hussain e falak janaab
dekhun to peeke mai bhi ke kis tarha ka hai aab
bhai se lipti daud ke zainab jigar kabaab
pakda hassan ne daste baradar basad shitaab
      jaldi se peena le ye qalaq tha imam par
      ek haath tha kaleje pa ek haath jaam par

darde jigar se ghash huwe shaah e falak janaab
ghamgeen to thay hussain hua aur izteraab
haazir thi roohe ahmed o zehra o bu-turaab
wa aasmaan pe hogaye baagh e jinaan ke baab
      sar peeto momino ke khaza kar gaye hassan
      bin bhai ke hussain huwe mar gaye hassan

barpa tha ahle-bait e payambar may shor o shain
behne pacha de khaak pa kehti theen kar ke bain
chaati pe haath maar ke chillaate thay hussain
ab uth gaya zamane se ham bekason ka chain
      dil ab hamara toot gaya wa musibata
      baap aaj hamse choot gaya wa musibata

ek ek ko rokte thay imam e falak sareer
aane lage janaze pa jo us taraf se teer
kaampi zameen hil gaya sadme se charqe peer
nikli lahad se fatima je-be kafan ko cheer
      taboot par nawase ke bid'at jo hoti thi
      roohe rasoole paak janaze pa roti thi
Marsiya - Jis Dam Hassan Ka Zaher