jab daaghe bekasi na sakina utha saki
aur darde dil na khauf ke maare suna saki
khaye tamache shumr ke jab tak ke kha saki
sin kam tha dukh bahut thay na bardasht laa saki
     ro-ee to zalimon ne jafa beshumaar ki
     aaqir ye jabr dekh ke mauth ekhtiyaar ki

gar aah ki to shumr pukara khamosh ho
aur chup hui to bepidari ne kaha ke ro
gah shiuddate atash se pukari ke pani do
gah yaad karke rah gayi bab ki pyas ko
     so-ee jo aansu ponch ke chashme pur aab se
     hae hae hussain kehke phir uth baithi khwab se

dil may sama gaya tha jo shumre la-een ka darr
sonay may kaamp kaamp yeh kehti thi raat bhar
faryaad cheenta hai gowhar shumre badh gohar
aata hai ibne saad chupoo jaake mai kidhar
     zainab phoopi sambhalo kaleja dhadakta hai
     sajjad bhai dekho ye qooli ghurakta hai

jab pyas lagti ro ke chacha ko pukaarti
dukhte jo kaan shah-e-huda ko pukaarti
aata na jab koi to khuda ko pukaarti
jeene se tangh hoke qaza ko pukaarti
     kehti thi na chacha na imame umam rahe
     rulwaane ko adoo rahe rone ko hum rahe

chup thi to chuo thi bolti jo thi dari hui
waan shumr aaya tan may idhar thartari hui
thi aah baat baat par lab par dhari hui
gardan ki reesmaa lahoo se bhari hui
     dam rukne lagta tha to rasan khol detey hai
     baaher jo shumr bolta to baandh letay hai

haale shabe wafaate sakina hai yaadgaar
goya ke apni marg thi bekas pah aashkaar
milti hui shaam se wo gale sabke baar baar
maa ki balayein leti thi wo maa ki gham ghusaar
     tasleem ko phoopi ki kabhi sar jhukati thi
     thi beqatah pa sab se qatah baqshwati thi
Marsiya - Jab Daaghe Bekasi Na

Marsiaqan: Alamdar Razvi
Download mp3
Listen Online