bilqees paasbaan hai yeh kiski janab hai
maryam duroodqan hai yeh kiski janab hai
shane khuda ayaan hai yeh kiski janab hai
dehleez aasman hai yeh kiski janab hai
                         kursi zameen se lethi hai goshe panah ke
                         baitha hai arsh saaye mein kis baargah ke


ulfat khuda ke baad habeebe khuda ki hai
munsif ke pas yeh bhi vila kibriya ki hai
parwaa na faaqe ki na shikayat ghiza ki hai
eeza faqat judaai-e qairulwara ki hai
                         aabo ghiza ki fikr na sone ka dhyan hai
                         ankhon mein shakl baap ki ronay ka dhyan hai


bete pukaarte hai ke lillah baahar aao
amma na itna ro-o ghulamoun peh rahem khao
nana kahan gaye hai bula laye hum batao
hum kapde phaadte hai nahin toh gale lagao
                         nana ke baad haaye yeh beqadr hum huve
                         sab ek taraf huzoor ke bhi pyar kum hue


aqir wafoore girya se aajiz huve arab
hyder ke pas ronay ki faryaad laye sab
ki arz Fatima se kaho ae wali-e-rab
ya sayyeda tumhari raiyath hai jaan balab
                         khane ka koi waqt na sonay ka waqt hai
                         jo waqt hai woh aapke ronay ka waqt hai


baher se murtuza gaye ghar mein jhukaye sar
moonh dhanpe ro rahi thi akeli woh qushsiyar
dene lage payame Arab shahe bahrobar
ghabrake boli haye karoon kya mein bepidar
                           maabu mein mauth huve toh marjaaon ya ali
                           baba ka soag leke kidhar jaoon ya ali


meri taraf se ahle madine ko doh payam
logo qafa na ho meri ruqsat hae subho-shaam
doh chaar din tumhare mohalle mein hai maqaam
ronay ki dhoom ho chuki ab kaam hai tamaam
                           ghabrati hoon watan mein safar ke maheene se
                           baba sidhaare kaam mujhe kya madine se


ek din nigah karte hain kya shahe la-fatah
mathbaqh hae garm aaridey joh hai gundha hua
nahla rahi hae bachoun ko mal mal ke dast-o-pa
phaila diye hain kurte bhi dho kar juda juda
                         poocha ke itne kaamon ka jo shagl aaj hai
                         is waqt kuch bahaal tumhara mizaaj hai


boli ke aaj raat ko ho jaoongi bahaal
kal mere kaarobar mein turn honge qud nidhaal
qidmath ka mere bachhoun ki hoga kise khayaal
nehla dhula diya ke pareshaan tha unka haal
                        kurte bhi dhoye khooth bhi kal tak ka de chali
                        sehra na dekha ek yeh armaan le chali


phir toh har ek mohalle mein mahshar bapa hua
apne paraaye daude ke hae hae yeh kya hua
fizza pukari sayyeda ka waaqia hua
hujra batoole paak ka maatam sara hua
                         chaati qalaq se dekhne waalon ki phat gayi
                         moonh rakhke moonh peh murde ke zainab lipat gayi


mai doodh baqshwane na paayi ke chal basee
sherbat bana ke lane na paayi ke chal basee
kuch haale dil sunaney na paayi ke chal basee
mai be-naseeb aane na paayi ke chal basee
                         kya jald tar zamaana hua inteqaal ka
                         hai hai abhi toh sin tha kul athara saal ka


ay meri faaqa kash meri nadaar amma jaan
ay meri be-dawa meri beemaar amma jaan
kaabe ki aabroo meri sardaar amma jaan
ay meri sabera meri nachaar amma jaan
                         nana moovi toh thi koi taaza qitaab do
                         amma jawab doh meri amma jawab do


nanhe se sar khule hain nahin sar peh topiyaan
kehte hai kuch toh moonh se nikalta haaye maan
likha hai jab janaze pah pahoonche woh neem jaan
hasrat se dekha murde ka moonh aur yeh ki fughaan
                         amma ghulam aaye hai ruqsat ke waastey
                         jaati ho tum nabi ki ziarat ke waastey
Marsiya - Bilqees Paasban Hai
Download mp3
Listen Online