aale imran kahan aur zindan kahan
le behan qaid hui tu na aaya ghazi
jab rida sar se chini mai sada deti rahi
tu na aaya ghazi
aagayi sham-e-alam lut gaye ahle haram
rayt par jalti huvi hogaya thanda alam
pursa dene ke liye mujhse milne ke liye
aagaye baba ali, tu na aaya ghazi
jab rida sar...
dhoop mein tu tha shajar tujhse aabaad tha ghar
hai barehna mera sar kya nahi tujhko khabar
ay alamdar-e-wafa is behan ko ba-khuda
tujhse dhaaras thi badi tu na aaya ghazi
jab rida sar...
kya kahoo sher mere berida humko liye
ye musalman saare shehr dar shehr gaye
khilqate koofa kabhi khilqate shaam kabhi
baaraha hum pe hasi tu na aaya ghazi
jab rida sar...
kitni bebas thi behan ay shehenshahe wafa
naam le le ke mera jab ye zaalim ne kaha
naaz tha jispe tujhe ab bulao na usay
aur mai roti rahi tu na aaya ghazi
jab rida sar...
humko pani na milay teri khusboo to rahe
tere baazu na katay chahe mashkeeza chiday
ye magar ho na saka tere baazu hai juda
mujhpe hai tashnalabi tu na aaya ghazi
jab rida sar...
kya sakina se kahoo ay mere dil ke sukoon
haye pani ke liye beh gaya sab tera khoon
ab koi aas nahi tu mere paas nahi
rassi shaano mein bandhi tu na aaya ghazi
jab rida sar...
jab chali sheh pe churi ay mere shere jari
haath malti thi behan kuch qadam door khadi
kat gaya sheh ka gala haye bhai ne sada
mujhko har zarb pe di tu na aaya ghazi
jab rida sar...
qaid khane mein qaza jab sakina ko mili
deke kurte ka kafan bachi dafnayi gayi
us ghadi naam tera surate nade ali
bas mai dohrati rahi tu na aaya ghazi
jab rida sar...
roya rehaan qalam karke ye baat raqam
khoon mein doob gaya mere ghazi ka alam
zakhmi zainab ka jigar khoon-fishan shaah ka sar
aaye qaimo mein shaqi tu na aaya ghazi
jab rida sar...
آلِ عمران کہاں اور زندان کہاں
لے بہن قید ہوئی تُو نہ آیا غازی
جب ردا سر سے چھنی میں سدا دیتی رہی
تُو نہ آیا غازی
آگئی شامِ الم لٹ گئے اہلِ حرم
ریت پر جلتی ہوئی ہوگیا ٹھنڈا علم
پُرسہ دینے کیلئے مجھ سے ملنے کیلئے
آگئے بابا علی تُو نہ آیا غازی
جب ردا سر سے۔۔۔
دھوپ میں تُو تھا شجر تجھ سے آباد تھا گھر
ہے برہنہ میرا سر کیا نہیں تجھ کو خبر
اے علمدارِ وفا اس بہن کو باخدا
تجھ سے ڈھارس تھی بڑی تُو نہ آیا غازی
جب ردا سر سے۔۔۔
کیا کہوں شیر میرے بے ردا ہم کو لئے
یہ مسلماں سارے شہر در شہر گئے
خلقتِ شام کبھی خلقتِ کوفہ کبھی
بارہا ہم پہ ہنسی تُو نہ آیا غازی
جب ردا سر سے۔۔۔
کتنی بے بس تھی بہن اے شہنشاہِ وفا
نام لے لے کے میرا جب یہ ظالم نے کہا
ناز تھا جس پہ تجھے اب بُلائو نہ اُسے
اور میں روتی رہی تُو نہ آیا غازی
جب ردا سر سے۔۔۔
ہم کو پانی نہ ملے تیری خوشبو تو رہے
تیرے بازونہ کٹے چاہے مشکیزہ چھدے
یہ مگر ہو نہ سکا تیرے بازو ہیں جدا
مجھپے ہے تشنہ لبی تُو نہ آیا غازی
جب ردا سر سے۔۔۔
کیا سکینہ سے کہوں اے میرے دل کے سکوں
ہاے پانی کے لیے بہہ گیا سب تیرا خوں
اب کوئی آس نہیں تومیرے پاس نہیں
رسی شانوں میں بندھی تو نہ آیا غازی
جب ردا سر سے۔۔۔
جب چلی شہ پہ چھری ائے میرے شیر ِجری
ہا تھ ملتی تھی بہن کچھ قدم دور کھڑی
کٹ گیا شہ کا گلاہائےبھائی نے صدا
مجھکو ہر ضرب پہ دی تو نہ آیا غازی
جب ردا سر سے۔۔۔
قید خانے میں قضا جب سکینہ کو ملی
دے کے کُرتے کا کفن بچی دفنائی گئی
اُس گھڑی نام تیرا صورتِ نادِ علی
بس میں دُہراتی رہی تُو نہ آیا غازی
جب ردا سر سے۔۔۔
رویا ریحان قلم کرکے یہ بات رقم
خون میں ڈوب گیا میرے غازی کا علم
زخمی زینب کا جگر خوں فشاں شاہ کا سر
آئے خیموں میں شقی تُو نہ آیا غازی
جب ردا سر سے۔۔۔