shaam haye shaam
teri ummat ke zevar pehan ke
dekho nana chali hoo mai shaam
shaam haye shaam…
mai deti kafan tujhko bhaiya
gar sar pe rida meri hoti
gar hotay khule haath mere
tere zakhmo ko haaton se dhoti
pabande rasan sar barehna
dekho bhaiya chali hoo mai shaam
shaam haye shaam…
ay nana mai kaise sunaon
darbare shaqi ka wo manzar
sab qari o hafiz thay baithe
aur sar pe mere na thi chadar
ay nana teri betiyon ko
kyun laaye hai sar nange aam
shaam haye shaam…
tere abid pe taari ghashi thi
aur kulsoom sehmi khadi thi
kabhi dekhun mai zakhmi sakina
jiske daaman may aag lagi thi
kabhi ro'un mai apni rida ko
kabhi dekhun mai jalte qayaam
shaam haye shaam…
tere bachon ko le kar gayi mai
shab bhar saari roti rahi hoo
kabhi ghazi ka lehja badal ke
mai pehre bhi deti rahi hoo
in bewa bahu betiyon se
kyo karte nahi ho kalaam
shaam haye shaam…
jab roti thi bali sakina
aur baba ko apne bulaati
mai deti thi usko tasalli
aur seene pe apne sulaati
roothi zindan may masoom bachi
le le ke wo baba ka naam
shaam haye shaam…
شام ہائے شام
تیری اُمت کے زیور پہن کے
دیکھو نانا چلی ہوں میں شام
شام ہائے شام۔۔۔
میں دیتی کفن تُجھ کو بھّیا
گر سر پہ رِدا میری ہوتی
گر ہوتے کھُلے ہاتھ میرے
تیرے زخموں کو ہاتھوں سے دھوتی
پابندِ رسَن سر برہنہ
دیکھو بھّیاچلی ہوں میں شام
شام ہائے شام۔۔۔
اے نانا میں کیسے سُنائوں
دربارِ شقی کا وہ منظر
سب قاری و حافظ تھے بیٹھے
اور سر پہ میرے نہ تھی چادر
اے نانا تیری بیٹیوں کو
کیوں لائے ہیں سر ننگے شام
شام ہائے شام۔۔۔
تیرے عابد پہ طاری غشی تھی
اور کلثوم سہمی کھڑی تھی
کبھی دیکھوں میں زخمی سکینہ
جس کے دامن میں آگ لگی تھی
کبھی روئوں میں اپنی رِدا کو
کبھی دیکھوں میں جلتے خیام
شام ہائے شام۔۔۔
تیرے بچوں کو لے کر گئی میں
شب بھر ساری روتی رہی ہوں
کبھی غازی کا لہجہ بدل کے
میں پہرے بھی دیتی رہی ہوں
ان بیوہ بہو بیٹیوں سے
کیوں کرتے نہیں ہو کلام
شام ہائے شام۔۔۔
جب روتی تھی بالی سکینہ
اور بابا کو اپنے بُلاتی
میں دیتی تھی اُس کو تسلی
اور سینے پہ اپنے سُلاتی
رُوٹھی زندان میں معصوم بچی
لے لے کے وہ بابا کا نام
شام ہائے شام۔۔۔