jab ali akbar sa beta shaah ko rab ne diya
is aata e-kibriya par karbala ne di sada
maa aur ali akbar ki maa
uska maatha choomti thi umme laila baar baar
uska chehra dekh kar kehti thi ay parwardigar
ye bahaar e zindagi hai ye mere ghar ki baahar
ye meri pehli tamanna ye mere dil ka qaraar
maa aur ali akbar ki maa…
kaali dori baandti nanhi kalayi mein kabhi
nanhe seene par kabhi karti thi dam nade ali
kehti thi murjhaye na maula mere dil ki kali
ye dil e shabbir hai ye hai hamari zindagi
maa aur ali akbar ki maa…
ghutniyo chalne laga jis waqt unka sheerkhwar
saaf karti apne aanchal se wo uski reh guzaar
ay khuda-na-khaasta chub jaye na bache ke khaal
chalte chalte jab wo thakta pusht pe karti sawaar
maa aur ali akbar ki maa…
khayr se jab umr bad kar uski is qaabil huwi
jis mein gehware ki khwahish ho na maa ki godh ki
bachpana ruqsat talab ho aur shabab aamad ghadi
jab jawani aa rahi ho aur masay ho bheegti
maa aur ali akbar ki maa…
sab kunoon-e-harb sikhlate thay abbas-e-jari
sehn mein kursi bicha kar maa bhi aksar dekhti
mashq ke douran ek din yun hi naize ki ani
chu gayi seene se laila par ghashi taari huwi
maa aur ali akbar ki maa…
ek wo din tha ke jab barchi zara si chu gayi
umme laila kaamp uthi aur ghashi taari huwi
ek ye din hai meinaan e karbala dekhe koi
hai jigar ke paar naiza aur maa hai dekhti
maa aur ali akbar ki maa…
kya khabar thi umme laila ko wo din bhi aayega
byaah ka armaan dil ka dil mein hi reh jayega
laashe qasim ki tarha tukdon mein dil bat jayega
naujawan ki laash par sehra sajaya jayega
maa aur ali akbar ki maa…
umme laila dil sambhalo arsh se aayi sada
barchiyon ke simt jaata hai tumhara mehlaqa
yun karo ruqsat ke jaise ho samaa baraat ka
khaaq mein mil jayegi laila shabihe mustafa
maa aur ali akbar ki maa…
kis tarah rehaan ho us guftugu ka ab bayaan
aurtain jab shaam ki kehti thi l ekar hichkiyan
jis jawan ka noke naiza par huwa hai sar ayaan
us jawan sey pehle ya rab mar gayi ho uski maa
maa aur ali akbar ki maa…
جب علی اکبر سا بیٹا شاہ کو رب نے دیا
اس عطائِ کبریا پر کربلا نے دی صدا
---ماں اور علی اکبر کی ماں
اُس کا ماتھا چومتی تھی اُمِ لیلیٰ بار بار
اُس کا چہرہ دیکھ کر کہتی تھی اے پروردگار
یہ بہارِ زندگی ہے یہ میرے گھر کی بہار
یہ میری پہلی تمنا یہ میرے دل کا قرار
---ماں اور علی اکبر کی ماں
کالی ڈوری باندھتی ننھی کلائی میں کبھی
ننھے سینے پر کبھی کرتی تھی دم نادِ علی
کہتی تھی مُرجھا ئے نہ مولا میرے دل کی کلی
یہ دلِ شبیر ہے یہ ہے ہماری زندگی
---ماں اور علی اکبر کی ماں
گھُٹنیوں چلنے لگا جس وقت اُن کا شیر خوار
صاف کرتی اپنے آنچل سے وہ اُس کی رہ گُزار
اے خُدا نہ خواستہ چبھ جائے نہ بچے کی کھال
چلتے چلتے جب وہ تھکتا پُشت پہ کرتی سوار
---ماں اور علی اکبر کی ماں
خیر سے جب عمر بڑھکر اسکی اس قابل ہوی
جس میں گہوارے کی خواہش ہو نہ ماں کے گود کی
بچپنا رخصت طلب ہو اور شباب آمد گھڑی
جب جوانی آ رہی ہو اور مس ہو بھیگتی
---ماں اور علی اکبر کی ماں
سب قانونِ حرب سکھلاتے تھے عباسِ جری
صحن میں کرسی بچھا کر ماں بھی اکثر دیکھتی
مشق کے دوران اک دن یوں ہی نیزے کی اَنی
چھُو گئی سینے سے لیلیٰ پر غشی طاری ہوئی
---ماں اور علی اکبر کی ماں
اک وہ دن تھا کہ جب برچھی ذرا سی چھُو گئی
اُمِ لیلیٰ کانپ اُٹھی اور غشی طاری ہوئی
اک یہ دن ہے میدانِ کربلا دیکھے کوئی
ہائے جگر کے پار نیزہ اور ماں ہے دیکھتی
---ماں اور علی اکبر کی ماں
کیا خبر تھی اُمِ لیلیٰ کو وہ دن بھی آئے گا
بیاہ کا ارماں دل کا دل میں ہی رِہ جائے گا
لاشِ قاسم کی طرح ٹکڑوں میں دل بٹ جائے گا
نوجواں کی لاش پر سہرا سجایا جائے گا
---ماں اور علی اکبر کی ماں
اُمِ لیلیٰ دل سنبھالو عرش سے آئی صدا
برچھیوں کی سمت جاتا ہے تمہارا مہلکا
یوں کرو رخصت کے جیسے ہو سماں بارات کا
خاک میں مِل جائے گی لیلیٰ شبیہہِ مصطفیٰ
---ماں اور علی اکبر کی ماں
کس طرح ریحان ہو اُس گفتگو کا اب بیاں
عورتیں جب شام کی کہتی تھیں لے کر ہچکیاں
جس جواں کا نوکِ نیزہ پر ہوا ہے سر عیاں
اُس جواں سے پہلے یا رب مر گئی ہو اُس کی ماں
---ماں اور علی اکبر کی ماں