aza jaari rahegi
shabbir ki aza ka suraj nikal raha hai
kunba yazeediyat ka haathon ko mal raha hai
shabbir ki aza ka suraj nikal raha hai
suraj bhi hai hamara jugnu bhi hai hamare
aankhein bhi hai hamari aansu bhi hai hamare
seena bhi hai hamara baazu bhi hai hamare
hum kar rahe hai matam kyun tum ko khal raha hai
shabbir ki aza ka...
ban kar jawabe halmin maqtal mein jaan dene
inkaare karbala ko apni zabaan dene
nikle hai ahle matam haq ki azaan dene
dil mein shahadaton ka armaan machal raha hai
shabbir ki aza ka...
dunya se keh rahe hai fauje aza ke jaade
kya khauf zulmaton ka jab roshni khuda de
jurrat ho gar kisi mein aa kar isay bujha de
bayyat ki aandhiyon mein ek deep jal raha hai
shabbir ki aza ka...
dharti palat na jaaye dunya ulat na jaaye
behta hua ye darya tukdo mein batt na jaaye
roohul ameen tumhara shah par hi katt na jaaye
abbas ke ghazab ka laava ubhal raha hai
shabbir ki aza ka...
saahil pe fauj kaisi ek fard bhi nahi hai
tashnalabi ka chehra wo zard bhi nahi hai
pehra jahan laga tha ab gard bhi nahi hai
ummul baneen ka beta tanha tehal raha hai
shabbir ki aza ka...
dekho safar abhi tak jaari hai karbala ka
kufe ki wadiyan hai aur khaafela aza ka
wo sher hai ali ka aur sheer fatema ka
jo bediyan pehan kar be-khauf chal raha hai
shabbir ki aza ka...
gardan se waar kar ke talwar cheen lena
khutbon ki ghangaraj se darbar cheen lena
khanjar se zindagi ke aasaar cheen lena
ye bas hussainiyat ka tarze amal raha hai
shabbir ki aza ka...
jisko padha gaya tha jisko suna gaya tha
jiske liye sitam ka taana buna gaya tha
deeware shab mein aamir jisko chuna gaya tha
nayyar wohi khabeela ab phool phal raha hai
shabbir ki aza ka...
عزا جاری رہے گی
شبیر کی عزا کا سورج نکل رہا ہے
کنبہ یزیدیت کا ہاتھوں کو مل رہا ہے
شبیر کی عزا کا سورج نکل رہا ہے
سورج بھی ہے ہمارا جگنو بھی ہے ہمارے
آنکھیں بھی ہیں ہماری آنسوں بھی ہیں ہمارے
سینہ بھی ہے ہمارا بازو بھی ہیں ہمارے
ہم کر رہے ہیں ماتم کیوں تم کو کھل رہا ہے
شبیر کی عزا کا۔۔۔
بن کر جواب ھل من مقتل میں جان دینے
انکار کربلا کو اپنی زبان دینے
نکلے ہیں اہلِ ماتم حق کی اذاں دینے
دل میں شہادتوں کا ارماں مچل رہا ہے
شبیر کی عزا کا۔۔۔
دنیا سے کہہ رہے ہیں فوج عزا کے جاڑے
کیا خوف ظلمتوں کا جب روشنی خدا دے
جرأت ہو گر کسی میں آ کر اسے بجھا دے
بیعت کی آندھیوں میں اک دیپ جل رہا ہے
شبیر کی عزا کا۔۔۔
دھرتی پلٹ نہ جاے دنیا الٹ نہ جاے
بہتا ہوا یہ دریا ٹکڑوں میں بٹ نہ جاے
روح الامین تمہارا شہ پر ہی کٹ نہ جاے
عباس کے غضب کا لاوا ابل رہا ہے
شبیر کی عزا کا۔۔۔
ساحل پہ فوج کیسی اک فرد بھی نہیں ہے
تشنہ لبی کا چہرہ وہ زرد بھی نہیں ہے
پہرہ جہاں لگا تھا اب گرد بھی نہیں ہے
ام البنین کا بیٹا تنہا ٹہل رہا ہے
شبیر کی عزا کا۔۔۔
دیکھو سفر ابھی تک جاری ہے کربلا کا
کوفے کی وادیاں ہیں اور قافلہ عزا کا
وہ شیر ہے علی کا اور شیر فاطمہ کا
جو بیڑیاں پہن کر بے خوف چل رہا ہے
شبیر کی عزا کا۔۔۔
گردن سے وار کر کے تلوار چھین لینا
خطبوں کی گھن گرج سے دربار چھین لینا
خنجر سے زندگی کے آثار چھین لینا
یہ بس حسینیت کا طرز عمل رہا ہے
شبیر کی عزا کا۔۔۔
جس کو پڑھا گیا تھا جس کو سنا گیا تھا
جس کے لےء ستم کا طعنہ بنا گیا تھا
دیوارِ شب میں عامر جس کو چنا گیا تھا
نیر وہی قبیلہ اب پھول پھل رہا ہے
شبیر کی عزا کا۔۔۔