garm reti pe sar e dasht ajab hai manzar
koi saaya hai jo deta hai sada ro ro kar
dekh zakhmi hai musafir hai mera lakhte jigar
kam se kam pani se tar kar le layeen tu khanjar
qabr ko chod ke yan aayi hoo dilgeer hoo mai
naam zehra hai mera maadar e shabbir hoo mai
kund khanjar na chala shimr e sitamgar ruk ja
waasta rab ka tujhe behre payambar ruk ja
is ke farzand jawan ne abhi khaayi barchi
is ke seene may hai paywast wo naize ki ani
zakhm par zakhm na de ab to sitamgar ruk ja
kund khanjar na chala...
iske chehre pe lahoo asghar e baysheer ka hai
ghao seene may abhi is ke kisi teer ka hai
hai abhi sajda e mabood may ye sar ruk ja
kund khanjar na chala...
ek bhai tha jo bekas ki kamar tod gaya
ek bhatija tha bilakta hua jo chod gaya
mai dua doongi tujhe haath utha kar ruk ja
kund khanjar na chala...
be gala jisko samajhta hai tu sarwar ka gala
ghaur se dekh ye hai tere payambar ka gala
kuch na samjhe to yehi baat samjh kar ruk ja
kund khanjar na chala...
jurm kya hai mere bache ka tu itna to bata
is ke nana ka padha karta hai tu bhi kalma
muntazir is ki hai ek choti si dukhtar ruk ja
kund khanjar na chala...
aisa lagta hai ke hamsheer nahi hai teri
warna rakhta nahi pyase ke galay par tu churi
qaime ke dar pe hai mazloom ki khwahar ruk ja
kund khanjar na chala...
chakkiyan pees ke mehnat se isay paala hai
is ne jo keh diya khudrat ne kahan taala hai
ye dila sakta hai jannat may tujhe ghar ruk ja
kund khanjar na chala...
safdar e khasta jigar gham ye bayan kaise karun
chashme zehra jo se tapka tha wo ek khatra e khoon
tu bhi rehaan qalam rakh de ye keh kar ruk ja
kund khanjar na chala...
گرم ریتی پہ سر دشت عجب ہے منظر
کوئی سایہ ہے جو دیتا ہے صدا رو رو کر
دیکھ زخمی ہے مسافر ہے میرا لختِ جگر
کم سے کم پانی سے تر کر لے لعیں تو خنجر
قبر کو چھوڑ کے یاں آی ہوں دلگیر ہوں میں
نام زہرا ہے میرا مادر شبیر ہوں میں
کند خنجر نہ چلا شمر ستمگر رک جا
واسطہ رب کا تجھے بہر پیمبر رک جا
اس کے فرزند جواں نے ابھی کھای برچھی
اس کے سینے میں ہے پیوست وہ نیزے کی انی
زخم پر زخم نہ دے اب تو ستمگر رک جا
کند خنجر نہ چلا۔۔۔
اس کے چہرے پہ لہو اصغر بے شیر کا ہے
گھاؤ سینے میں ابھی اس کے کسی تیر کا ہے
ہے ابھی سجدہء معبود میں یہ سر رک جا
کند خنجر نہ چلا۔۔۔
ایک بھائی تھا جو بیکس کی کمر توڑ گیا
اک بھتیجا تھا بلکتا ہوا جو چھوڑ گیا
میں دعا دونگی تجھے ہاتھ اٹھا کر رک جا
کند خنجر نہ چلا۔۔۔
بے گلا جسکو سمجھتا ہے تو سرور کا گلا
غور سے دیکھ یہ ہے تیرے پیمبر کا گلا
کچھ نہ سمجھے تو یہی بات سمجھ کر رک جا
کند خنجر نہ چلا۔۔۔
جرم کیا ہے میرے بچے کا تو اتنا تو بتا
اس کے نانا کا پڑھا کرتا ہے تو بھی کلمہ
منتظر اس کی ہے اک چھوٹی سی دختر رک جا
کند خنجر نہ چلا۔۔۔
ایسا لگتا ہے کہ ہمشیر نہیں ہے تیری
ورنہ رکھتا نہیں پیاسے کے گلے پر تو چھری
خیمے کے در پہ ہے مظلوم کی خواہر رک جا
کند خنجر نہ چلا۔۔۔
چکیاں پیس کے محنت سے اسے پالا ہے
اس نے جو کہہ دیا قدرت نے کہاں ٹالا ہے
یہ دلا سکتا ہے جنت میں تجھے گھر رک جا
کند خنجر نہ چلا۔۔۔
صفدر خستہ جگر غم یہ بیاں کیسے کروں
چشمِ زہرا جو سے ٹپکا تھا وہ اک قطرۂ خوں
تو بھی ریحان قلم رکھ دے یہ کہہ کر رک جا
کند خنجر نہ چلا۔۔۔