aaj shabbir pe kya aalam e tanhaai hai
zulm ki chaand pe zehra ke ghata chaayi hai
us taraf lashkar e aada mein saf aarayi hai
yan na beta na bhatija na koi bhai hai
barchiyan khaate chale jaate hai talwaron mein
maar lo pyase ko hai shor sitamgaaron mein
zakhmi baazu hai kamar kham hai badan mein nahi taab
dagmagate hai nikal jaati hai qadmon se rakaab
pyaas ka ghalba hai lab khushk hai aankhein pur aab
taygh se dete hai har waar ka aada ko jawab
shiddat e zaof mein jis jaa pe teher jaate hai
saikdon teer e sitam tan se guzar jaate hai
gaysu aalooda khoon lipte hai rukhsaaron se
shaane kat kat ke latak aaye hai talwaron se
teer payvast hai khoon behta hai sofaaron se
laakh aafat mein hai ek jaan dil aazaaron se
fikr hai sajda e mabood mein sar dene ki
waar se tayghon ke fursat nahi dam lene ki
khoon se tar pech amaame ke hai sar zakhmi hai
hai jabeen chaand si pur noor magar zakhmi hai
seena sab barchiyon se taaba kamar zakhmi hai
teer e beedaad se dil zakhmi jigar zakhmi hai
zarb e shamsheer se bekaar hai baazu dono
zulm ke teeron se majrooh hai pehlu dono
barchi aa kar koi pehlu mein laga jaata hai
maarta hai koi naiza to ghash aa jaata hai
badte hai zakhm e badan zor ghata jaata hai
band aankhein hai sar e paak jhuka jaata hai
gird zahra o ali girya kuna phirte hai
ghul hai ghode se imame do jahan girte hai
girte hai khatra e khoon zakhm e jabeen se paiham
daste majrooh se khaynch sakte nahi teer e sitam
fikr hai bakshish e ummat ki kuch apna nahi gham
karte hai shukre khuda khushk zuban se har dam
hai abaa teeron se ghurban qaba gulgoon hai
honth ya waqt se zakhmi hai dahan par khoon hai
zeen se hota hai juda doshe mohamed ka makeen
chaman e fatema ka sard hai maa'il ba zameen
barchiyan gird hai beech mein hai sarwar e deen
hai ye nazdeek gire mehre nabuwat ka nageen
paon har baar raqabon se nikal jaate hai
ya ali kehti hai zainab to sambhal jaate hai
laakh talwaarein hai aur ek tan e athar hai
ek mazloom hai aur zaalimon ka lashkar hai
saykdon khanjar e faulaad hai aur ek sar hai
na koi yaar na humdam na koi yawar hai
baag ghode ki latakti hai utha sakte nahi
saamne ahle haram rote hai jaa sakte nahi
koi syed ka nahi aah bachane waala
harbe laakhon hai aur ek zakhm uthane waala
pyaas mein koi nahi pani pilaane waala
sambhle kis tarha bhala barchiyan khaane waala
charkh se aag barasti hai zameen jalti hai
maare garmi ke zuban khushk hai loo chalti hai
kahin dam lene ko saaya nahi hai waqt e zawaal
aenthi jaati hai zuban pyaas ki shiddat hai kamaal
kabhi zainab ka hai ghamgaah sakina ka khayaal
din jo dhalta hai to hazrat huwe jaate hai nidhaal
misle khursheed badan zauf se thar tharata hai
nayyar e burj e imamat pe zawaal aata hai
kehte hai zaalimon se khushk zuban dikhla kar
behre haq pani ka ek jaam pila do laa kar
ahle keen kehte hai tayghe sitam chamka kar
aab e shamsheer piyo barchiyon ke phal kha kar
ye sukhan sun ke bhi ghussa nahi farmate hai
yaas se suye falak dekh ke reh jaate hai
arz karte hai ye khaaliq se ke ay lab e ghafoor
tu hai aalam ke nahi kuch tere bande ka kasoor
karte hai ye mujhe be-jurm o khata tayghon se choor
haath ummat pe uthaana ko nahi mujhko manzoor
jaante hai ke mohammed ka nawasa hoo mai
pani dete nahi do roz ka pyaasa hoo mai
tu ne bachpan se mere naaz uthaye ya rab
wo inayat kya jo tujhse kiya maine talab
tera mehboob bana eid ko mera murakkab
roza rakha to chupa mehr numaya hui shab
bhook mein khuld ka khana mujhe imdaad kiya
bhej kar hirni ka baccha mera dil shaad kiya
ab agar hai ye teri maslehat ay rab e qadeer
ho rawan halq pe is pyaase ke aab e shamsheer
mere maula ba-sar o chashm hai haazir shabbir
hukme haakim mein ye taaqat hai karun mai taakheer
jald gardan pe rawan khanjar e baraa howe
ay khushaa wo jo teri raah mein qurban howe
gham nahi kuch mujhe go bekas o beyaar hoo mai
zer e shamsheer gala rakhne ko tayyar hoo mai
tu madadgaar hai mukhtar hai lachaar hoo mai
waqte mushkil hai inayat ka talabgaar hoo mai
tere sajde mein ye sar tan se juda ho jawe
ehd e tifli ka jo waada hai wafa ho jawe
sakhtiyan marg ki kar apne karam se aasan
lab pe takbeer ho jab khalq pe khanjar ho rawan
dil mein ho yaad teri band ho jis waqt zuban
dam bharun tera hi tan se jo nikalne lage jaan
baad e chehlum jo mujhe qabr mayassar howe
zakhmi tan par na fishaar ay mere daawar howe
rehm kar rehm kar sharminda hoo ay yaar e khuda
bandagi ka tere jo haq tha ada ho na saka
khauf e mahshar se badan kaampta hai sar tapa
hogi aamaal ki pursish to kahunga mai kya
koi tohfa tere laayiq nahi paata hai hussain
haath khaali tere darbar mein aata hai hussain
taqwiat dil ko karam se hai tere ya rahman
nahi mayoos ke rehmat hai teri be-paayan
mushkilein bando ki kar deta hai dam mein aasaan
shukr altaaf o inayaat mein qaasir hai zuban
aasiyon se bhi mohabbat nahi kam karta hai
jurm wo karte hai tu lutf o karam karta hai
mai teri raah mein mazloomi se hota hoo fida
tu hai aagaah ke do din ka hoo bhooka pyasa
chahta hoo mai yehi apni shahadat ka sila
maghfirat ummat e aasi ki ho ay baar e khuda
hai gawara mujhe jo kuch ke aziyyat howe
unko dunya mein bhi aakhirat mein bhi raahat howe
آج شبیر پہ کیا عالم تنہائی ہے
ظلم کی چاند پہ زہرا کے گھٹا چھائی ہے
اس طرف لشکر اعدا میں صف آرائی ہے
یاں نہ بیٹا نہ بھتیجا نہ کوی بھائی ہے
برچھیاں کھاتے چلے جاتے ہے تلواروں میں
مار لو پیاسے کو ہے شور ستمگاروں میں
زخمی بازو ہے کمر خم ہے بدن میں نہیں تاب
ڈگمگاتے ہیں نکل جاتی ہے قدموں سے رکاب
پیاس کا غلبہ ہے لب خشک ہے آنکھیں پر آب
تیغ سے دیتے ہے ہر وار کا اعدا کو جواب
شدت ضعف میں جس جا پہ ٹہر جاتے ہیں
سیکڑوں تیر ستم تن سے گزر جاتے ہیں
گیسوں آلودہ خون لپٹے ہیں رخساروں سے
شانے کٹ کٹ کے لٹک آے ہیں تلواروں سے
تیر پیوست ہے خون بہتا ہے سفاروں سے
لاکھ آفت میں ہے ایک جان دل اعزاروں سے
فکر ہے سجدۂ معبود میں سر دینے کی
وار سے تیغوں کے فرست نہیں دم لینے کی
خوں سے پیچ عمامے کے ہے سر زخمی ہے
ہے جبیں چاند سی پر نور مگر زخمی ہے
سینہ سب برچھیوں سے تا بہ کمر زخمی ہے
تیر بیداد سے دل زخمی جگر زخمی ہے
ضرب شمشیر سے بیکار ہے بازو دونوں
ظلم کے تیروں سے مجروح ہے پہلو دونوں
برچھی آ کر کوی پہلو میں لگا جاتا ہے
مارتا ہے کوی نیزہ تو غش آ جاتا ہے
بڑھتے ہیں زخم بدن زور گھٹا جاتا ہے
بند آنکھیں ہے سر پاک جھکا جاتا ہے
گرد زہرا و علی گریہ کناں پھرتے ہیں
غل ہے گھوڑے سے امام دو جہاں گرتے ہیں
گرتے ہیں خطرہء خوں زخم جبیں سے پیہم
دست مجروح سے کھینچ سکتے نہیں تیر ستم
فکر ہے بخشش امت کی کچھ اپنا نہیں غم
کرتے ہیں شکر خدا خشک زباں سے ہر دم
ہے عبا تیروں سے غرباں قبا گلگوں ہے
ہونٹ یا وقت سے زخمی ہے دہن پر خوں ہے
زیں سے ہوتا ہے جدا دوش محمد کا مکیں
چمن فاطمہ کا سرد ہے مایل با زمیں
برچھیاں گرد ہے بیچ میں ہے سرور دیں
ہے یہ نزدیک گرے مہر نبوت کا نگیں
پاؤں ہر بات رکابوں سے نکل جاتے ہیں
یا علی کہتی ہے زینب تو سنبھل جاتے ہیں
لاکھ تلواریں ہیں اور ایک تن اطہر ہے
ایک مظلوم ہے اور ظالموں کا لشکر ہے
سیکڑوں خنجر فولاد ہے اور ایک سر ہے
نہ کوئی یار نہ ہمدم نہ کوئی یاور ہے
باگ گھوڑے کی لٹکتی ہے اٹھا سکتے نہیں
سامنے أہل حرم روتے ہے جا سکتے نہیں
کوئی سید کا نہیں آہ بچانے والا
حرب لاکھوں ہیں اور ایک زخم اٹھانے والا
پیاس میں کوئی نہیں پانی پلانے والا
سنبھلے کس طرح بھلا برچھیاں کھانے والا
چرخ سے آگ برستی ہے زمیں جلتی ہے
مارے گرمی کے زباں خشک ہے لہو چلتی ہے
کہیں دم لینے کو سایہ نہیں ہے وقت زوال
اینٹھی جاتی ہے زباں پیاس کی شدت ہے کمال
کبھی زینب کا ہے غمگاہ سکینہ کا خیال
دن جو ڈھلتے ہیں تو حضرت ہوے ہے نڈھال
مثل خورشید بدن ضعف سے تھر تھراتا ہے
نیر برج امامت پہ زوال آتا ہے
کہتے ہیں ظالموں سے خشک زباں دکھلا کر
بہر حق پانی کا ایک جام پلا دو لا کر
اہلِ کیں کہتے ہیں تیغ ستم چمکا کر
آب شمشیر پیو برچھیوں کے پھل کھا کر
یہ سخن سن کے بھی غصہ نہیں فرماتے ہیں
یاس سے سوے فلک دیکھ کے رہ جاتے ہیں
عرض کرتے ہیں یہ خالق سے کے اے رب غفور
تو ہے عالم کے نہیں کچھ تیرے بندے کا قصور
کرتے ہیں یہ مجھے بے جرم و خطا تیغوں سے چور
ہاتھ امت پہ اٹھانا کو نہیں مجھکو منظور
جانتے ہیں کہ محمد کا نواسہ ہوں میں
پانی دیتے نہیں دو روز کا پیاسا ہوں میں
تو نے بچپن سے میرے ناز اٹھاے یا رب
وہ عنایت کیا جو تجھ سے کیا میں نے طلب
تیرا محبوب بنا عید کو میرا مرکب
روزہ رکھا تو چھپا مہر نمایاں ہوی شب
بھوک میں خلد کا خانہ مجھے امداد کیا
بھیج کر ہرنی کا بچہ میرا دل شاد کیا
اب اگر ہے یہ تیری مصلحت اے رب قدیر
ہو رواں حلق پہ اس پیاسے کے آب شمشیر
میرے مولا با سر و چشم ہے حاضر شبیر
حکم حاکم میں یہ طاقت ہے کروں میں تخریر
جلد گردن پہ رواں خنجر باراں ہوئے
اے خشا وہ جو تیری راہ میں قربان ہوے
غم نہیں کچھ مجھے گو بیکس و بے یار ہوں میں
زیر شمشیر گلا رکھنے کو تیار ہوں میں
تو مددگار ہے مختار ہے لاچار ہوں میں
وقتِ مشکل ہے عنایت کا طلبگار ہوں میں
تیرے سجدے میں یہ سر تن سے جدا ہو جاوے
عہد طفلی کا جو وعدہ ہے وفا ہو جاوے
سختیاں مرگ کی کر اپنے کرم سے آسان
لب پہ تکبیر ہو جب حلق پہ خنجر ہو رواں
دل میں ہو یاد تیری بند ہو جس وقت زباں
دم بھروں تیرا ہی تن سے جو نکلنے لگے جان
بعد چہلم جو مجھے قبر میسر ہوے
زخمی تن پر نہ فشار اے میرے داور ہوے
رحم کر رحم کر شرمندہ ہوں اے یار خدا
بندگی کا تیرے جو حق تھا ادا ہو نہ سکا
خوف محشر سے بدن کانپتا ہے سر تا پا
ہو گی اعمال کی پرسش تو کہوں گا میں کیا
کوئی تحفہ تیرے لائق نہیں پاتا ہے حسین
ہاتھ خالی تیرے دربار میں آتا ہے حسین
تقویت دل کو کرم سے ہے تیرے یا رحمان
نہیں مایوس کے رحمت ہے تیری بے پایاں
مشکلیں بندوں کی کر دیتا ہے دم میں آسان
شکر الطاف و عنایت میں قاصر ہے زباں
عاصیوں سے بھی محبت نہیں کم کرتا ہے
جرم وہ کرتے ہیں تو لطف و کرم کرتا ہے
میں تیری راہ میں مظلومی سے ہوتا ہوں فدا
تو ہے آگاہ کے دو دن کا ہوں بھوکا پیاسا
چاہتا ہوں میں یہی اپنی شہادت کا صلہ
مغفرت امت عاصی کی ہو اے بار خدا
ہے گوارا مجھے جو کچھ کہ اذیت ہوے
ان کو دنیا میں بھی آخرت میں بھی راحت ہوے