maqtal may gir raha hai sambhalo hussain ko
ya fatema rida may chupa lo hussain ko

paiwast hai ghareeb ke pehlu may barchiyan
tumko bhi utne deti nahi tooti phasliyan
lekar ali ka naam utha lo hussain ko
ya fatema rida may...

dewaar o dar ke beech jo armaan reh gaye
rakhi hui dil may jo mohsin ke waaste
wo loriyan bhi aaj suna lo hussain ko
ya fatema rida may...

sola pehar ki pyas hai aur hai labon pe dam
de kar ghareeb bete ko abbas ki qasam
pani agar milay to pila lo hussain ko
ya fatema rida may...

sheh ki ghareeb beti ke armaan ki tarha
godhi may leke teesri shaban ki tarha
kuch dayr ho sake to sula lo hussain ko
ya fatema rida may...

hyder tadap rahe hai payambar hai be-qaraar
tum kaise sun rahi ho sadayein ye baar baar
ek shor hai zameen par gira lo hussain ko
ya fatema rida may...

ache nahi iraade yazeedi sipaah ke
     aahon nikal rahe hai rakabon se shah ke
ghazi nahi hai tum hi sambhalo hussain ko
ya fatema rida may...

zainab sada ye deti hai ay be-qaraar maa
zakhmon ko milke baandhengi hyder ki betiyan
qaime may ek baar bula lo hussain ko
ya fatema rida may...

rone lagi ay mir takallum wo gham-zada
phaila ke apne haath jo shabbir ne kaha
godhi may thodi dayr sula lo hussain ko
ya fatema rida may...
Noha - Ya Fatema Rida May
Shayar: Mir Takallum
Nohaqan: Mir Hassan Mir
Download Mp3
Listen Online