ya baab e hawaij
tu ibne saqi ibne saqi ibne saqi hai
jo shay tere darbaar pe maangi wo mili hai

taqdeer tere naqshe qadam pe hi chali hai
hadh hai ke ali kehte hai ye mera ali hai
dunya may wafa tujshe hi mashoor hui hai
phaylate hai daaman hum dar pe tumhare
ghazi zara karde qismat ko ishaare
dete rahe hum hashr talak shaah ko pursa
ya baab e hawaij...

bemaar jo momin hai shifa de unhe ghazi
jo qaid hai be-jurm chura de unhe ghazi
jo bichde hai kunbe se mila de unhe ghazi
mohtaaje dua jo hai dua de unhe ghazi
jo dushmane matam hai mita de unhe ghazi
qayam rahe matam bhoole na tera gham
teero may sada ho aabaad moharram
har saal bichate rahe hum farshe aza ka
ya baab e hawaij...

ho laakh muqaalif ye zamane ki hawayein
khamosh na ho haye husaaina ki sadayein
hum apni khushi boole tera gham na bhulayein
honton pe rahe shukre khuda sehke jafayein
baazu ho juda gar tera parcham na uthayein

aaye tere dar par hum banke sawaali
sadqe tere gham par har gham se ho doori
hojaye har ek dil may mohabbat ka savera
ya babul hawaij...

kya khoob nibhaya hai mohabbat ka taqaza
tumne ki khayam to koi kar nahi sakta
bachpan se tumhay yaad tha jo lafz tha maa ka
shabbir ko samjha hai sada aaqa o maula
aanch aaye na mazloom pe jab tak rahe zinda
tan par jo tumhare baazu hai salamat
sheh ki taraf aaye kis may hai ye himmat
rehte thay tere rob se aada taho bala
alamdare wafa abbas

tu ghazi alamdar hai saqqa e sakina
tu sher e dilafgaar hai saqqa e sakina
pyason ka madadgaar hai saqqa e sakina
alamdare wafa abbas
ya baab e hawaij...

karne laga jab zulm o sitam shaam ka lashkar
mehroom hui aab se jab aal e payambar
jhoole may tadapta raha cheh maah ka asghar
kya dil pe guzarti thi mere sher e dilawar
pani ki sada hoti thi jab pyase labon par
pyare mere ammu kehti thi sakina
pardes may apna mushkil hua jeena
sehraab kare aale payambar ko khudaaya
ya baab e hawaij...

us waqt takallum thi bapa kaisi qayamat
ro ro ke jo sheh kehte thay haaye meri ghurbat
aur khoon may tar shaam may thi bhai ki mayyat
uthe na meri laash thi ghazi ki wasiyat
sharminda hoo dekhe na sakina meri surat
aur sheh ka tha noha haaye mera bhai
mai hogaya tanha ki tum ne judaai
marne se tere hogaya gham jaisa ali ka
alamdare wafa abbas
ya baab e hawaij...
Noha - Ya Baab e Hawaij
Shayar: Takallum
Nohaqan: Irfan Hussain
Download Mp3
Listen Online