seene se lago ya mujhe seene se lagao
abbas na jao
zainab ko ghash aaya hai usay hosh may lao

tum ho to usay apni rida yaad nahi hai
baba ka kaha tum na usay yaad dilao
abbas na jao
seene se lago...

kehti hai ke ye haath mere sar ki rida hai
lilaah na in hathon ko darya pe katao
abbas na jao
seene se lago...

tum jaate ho jabse ye khabar usne suni hai
wo khaak pe baithi hai sakina ko uthao
abbas na jao
seene se lago...

lashkar ke alamadar ho tum ho mera lashkar
lilaah mere hotay na hathyaar sajao
abbas na jao
seene se lago...

pani se bhala hijr ki kab pyas bujhegi
hai tashnalabon ki ye sada haaye na jao
abbas na jao
seene se lago...

pehle mere halqoom pe chal jaane do khanjar
jeete ji mujhe tum to na ye daagh dikhao
abbas na jao
seene se lago...

phir shimr hai aur sham-e-ghariban ka andhera
chorun mai sakina ko kahan ye to batao
abbas na jao
seene se lago...

thay bain ye qaime may naved ahle haram ke
baad apne darindo ke liye chor na jao
abbas na jao
seene se lago...
Noha - Seene Se Lago
Shayar: Naved
Nohaqan: Sajid Hussain Jafri
Download Mp3
Listen Online