ran ko jaate huwe sar jhukaye huwe
sheh ne rokar kaha alwida alwida

aaya waqt e safar ay behan aaj hum
ho rahe hai juda alwida alwida
ran ko jaate...

shah badkar behan ke galay lag gaye
aur dukhiya behan se ye kehne lagay, roke kehne lagay
meri mazloom pyasi musaafir behan
tera haafiz khuda alwida alwida
ran ko jaate...

jis se darti thi tum wo ghadi aagayi
dekho charon taraf teeragi cha gayi, teeragi cha gayi
dashte pur-haul may sham hone ko hai
lo musaafir chala alwida alwida
ran ko jaate...

le ke bali sakina ko aaghosh may
nanhe nanhe se haathon ke bosay liye, haye bosay liye
shah ne hasrat se beti ko takte huwe
aah bhar kar kaha alwida alwida
ran ko jaate...

ye jo bemaar bete se aaqa mera
ab na aayega ay beta baba tera, beta baba tera
maut ki aahatein tez hone ko hai
aa rahi hai sada alwida alwida
ran ko jaate...

aaya qaime se baahar jo maula mera
bhai beta bhatija koi bhi na tha, haye koi bhi na tha
ek hasrat se charon taraf dekh kar
sheh ne khud hi kaha alwida alwida
ran ko jaate...

jab tadap kar kaha mere sheron utho
aao zainab ke bhai ko ruqsat karo, haye ruqsat karo
ek ek laashe be-sar se aayi sada
ay shahe karbala alwida alwida
ran ko jaate...
Noha - Ran Ko Jaate Huye

Nohaqan: Daniyal
Download Mp3
Listen Online