samajh ke zahra sataya gaya sakina ko
qadam qadam pe rulaya gaya sakina ko

wo zakhm aaj bhi taaza hai pushte naaqa se
haye giri nahi hai giraya gaya sakina ko

qaid khane se sakina ki ye aati thi sada
phasliyan toot gayi meri bhi dadi ki tarha

mujhko chalte huwe naaqe se giraya baba
phasliyan toot gayi...
hogayi char baras may hi sakina zahra
phasliyan toot gayi...

wo bhi dadarsh se chupati rahi apna pehlu
mujhse bhi dekhe na jayenge ali ke aansu
jeete ji mere mera zakhm na dekhe bhaiya
phasliyan toot gayi...

kaise aayi hoo bazaar se ho kar baba
mujhko maare gaye is zakhm pe pathar baba
roke mai kehti rahi phir bhi kisi ne na suna
phasliyan toot gayi...

ab samajh sakti hoo kis tarha wo soti hongi
haath pehlu pe rakhe kaise tadapti hongi
karwatein dard mujhe bhi nahi lene deta
phasliyan toot gayi...

hoo ba hoo fatema zehra si zayeefi chayi
jhurriyan chehre pe baalon may safaidi aayi
ek kami aap ki thi wo bhi hui poori baba
phasliyan toot gayi...

saath suraj ke ye dil doob raha hota hai
amma kehti hai yehi waqt e dua hota hai
roz karti hoo sar e shaam mai marne ki dua
phasliyan toot gayi...

jaa ke jannat bhi aaram nahi aayega
kya ye armaan mera dil may hi reh jayega
kaisi godhi may uthaungi mai asghar ko bhala
phasliyan toot gayi...

aap ka sar jalay daaman may uthane ke liye
haath darbar may mushkil se uthaye maine
tumko us waqt bhi maine na bataya baba
phasliyan toot gayi...

gir padi khaak pe namoose nabi peet ke sar
qaid khane may hui aur qayamat akbar
leke sar baap ka bachi ne jo ro ro ke kaha
phasliyan toot gayi...
Noha - Qaid Khane Se
Shayar: Akbar
Nohaqan: Mir Hassan Mir
Download Mp3
Listen Online