الوداع الوداع
خیمے میں آکے شاہ نے جب الوداع کہا
کہرام مچ گیا

تھا جس کا انتظار وہ ساعت قریب ہے
دن ڈھل رہا ہے شامِ مصیبت قریب ہے
کچھ دیر کی ہے بات قیامت قریب ہے
زینب غریب بھائی کی رخصت قریب ہے
یہ کہہ کے مانگا ماں کا جوکُرتہ سلا ہوا
کہرام مچ گیا۔۔۔

کچھ دور ہٹ کے خیمے میں بولے شہِ زمن
زہمت نہ ہو تو بازو بڑھائو زرا بہن
میں بوسے لوں وہاں کے بندھے گی جہاں رسن
بازو بڑھا کے روتی تھی ہمشیر خستہ تن
بھائی بہن کے بازئوں کو چومنے لگا
کہرام مچ گیا۔۔۔

یہ سن کے بنتِ فاطمہ زہرا تڑپ گئی
بولی گلہ بڑھائو بس اب جلد یا اخی
اماں کی بات آج مجھے یاد آگئی
میں بوسے لوں وہاں کے چلے گی جہاں چھری
زینب نے بڑھ کے چوما برادر کا جب گلہ
کہرام مچ گیا۔۔۔

بیٹی سے پھر یہ کہنے لگا فاطمہ کا لال
رہنا پھپی کے پاس رکھیں گی تیرا خیال
غربت ہے تم پھپی سے نہ کرنا کوئی سوال
ورنہ تیرے پدر کو بہت ہوئے گا ملال
پھر سر پہ ہاتھ رکھ کے جو دینے لگے دُعا
کہرام مچ گیا۔۔۔

بیٹی کو جب سپردِ بہن کرچکے امام
روکر بہن سے کہنے لگے آسماں مقام
جانا وطن جو قید سے چھٹ کر اے تِشنہ کام
کہنا لحد پہ ماں کی میراآخری سلام
آیا جو لب پہ فاطمہ زہرا کا تزکرہ
کہرام مچ گیا۔۔۔

عابد سے پھر یہ کہنے لگے شاہِ کربلا
بیوائوں کا اور یتیموں کا اب تم ہو آسرا
جو امتحان میرا تھا سب میں نے دے دیا
آگے تیرا جہاد ہے بیمارِ کربلا
بیمار بیٹا باپ سے جس دم جدا ہوا
کہرام مچ گیا۔۔۔

خیمے سے باہر آئے جو سلطانِ کربلا
سر کو جھکائے روتا تھا خود اسپِ باوفا
اب کس طرح سوار ہو زہرا کا لاڈلا
تنہائی کے سواکوئی یاور نہیں بچا
جب سوئے نہر دیکھ کے غازی کو دی صدا
کہرام مچ گیا۔۔۔

بھائی کو تنہا دیکھ کے زینب تڑپ گئی
روتی ہوئی حسین کے نزدیک آگئی
اور پھر رکاب تھام کے بولی اے شاہِ دیں
لو میں سوار کرتی ہوں عباس گر نہیں
واعظ ہوا سوار جو زہرا کا لاڈلا
کہرام مچ گیا۔۔۔


alwida alwida
qaime may aake shah ne jab alwida kaha
kohraam mach gaya

tha jiska intezar wo sa'ath qareeb hai
din dhal raha hai shame musibat qareeb hai
kuch dayr ki hai baat qayamat qareeb hai
zainab ghareeb bhai ki ruksat qareeb hai
ye keh ke maanga maa ka jo kurta sila hua
kohraam mach gaya...

kuch door hatke qaime may bole shahe zaman
zehmat na ho baazu badhao behan
mai bosay loo wo haath ke bandhegi jahan rasan
baazu badha ke roti thi hamsheer khastatan
bhai behan ke baazu ko choomne laga
kohraam mach gaya...

ye sunke binte fathema zehra tadap gayi
boli gala badhao bas jald ab ya aqi
amma ki baat aaj mujhe yaad aagayi
mai bosay loo wahan ke jchalegi jahan churi
zainab ne badke chooma baradar ka jab gala
kohraam mach gaya...

beti se phir ye kehne laga fatema ka laal
rehna phupi ke paas rakhengi tera khayal
ghurbat hai tum phupi se na karna koi sawaal
warna tere padar ko bahot hoyega malaal
phir sar pe haath rakh ke jo dene lagay dua
kohraam mach gaya...

beti ko jab supurde behan kar chuke imam
rokar behan se kehne lagay aasman maqam
jaana watan jo qaid se chutkar ay tishnaqam
kehna lehad pe maa ki mera aakhri salam
aaya jo lab pe fatema zehra ka taskira
kohraam mach gaya...

abid se phir ye kehne lagay shahe karbala
bewaon ka aur yateemo ka ab tum ho aasra
jo imtehan mera tha sab maine dediya
aagay tera jihad hai bemaare karbala
bemaar beta baap se jis dam juda hua
kohraam mach gaya...

qaime se baahar aaye jo sultane karbala
sar ko jhukaye hue rota tha khud aspe bawafa
ab kis tarha sawaar ho zehra ka laadla
tanhai ke siwa koi yawar nahi bacha
jab suye nehr dekh ke ghazi ko di sada
kohraam mach gaya...

bhai ko tanha dekh ke zainab tadap gayi
roti hui hussain ke nazdeek aa gayi
aur phir raqaab thaam ke boli ay shahe deen
lo mai sawaar karti hoo abbas gar nahi
wayiz hua sawaar jo zehra ka laadla
kohraam mach gaya...
Noha - Kohram Mach Gaya
Shayar: Wayiz
Nohaqan: Mir Hassan Mir
Download Mp3
Listen Online