kufe may har ek samt ajab shor bapa hai
sajde may namazi pa bada zulm hua hai
is zulm ki shiddat se jahan kaamp raha hai
sab rote hai maghmoon zamane ki sada hai

hyder ka janaza hai ye hyder ka janaza
hasnain ke kaandhon pe hai hyder ka janaza

ay momino sarwar ki yateemi ka hai ye waqt
kulsoom ki shabbar ki yateemi ka hai ye waqt
ab uthne ko tayyar hai rehbar ka janaza
hyder ka janaza...

zainab ki bhi aankhon may nazar aate hai aansu
abbas jo rote hai ajab hashr hai har soo
ay shio hai ye deen ke muqaddar ka janaza
hyder ka janaza...

rone ki sadayein hai ajab aah o fughan hai
jibreel ke honton pe musalsal ye bayan hai
kufe may utha faatahe khyber ka janaza
hyder ka janaza...

hasnain se ek ye bhi wasiyat thi ali ki
le jaana ujaale may na mayyat ko hamari
beton hai payambar ke dilawar ka janaza
hyder ka janaza...

wo bibi ke jis bibi ki todi gayi phasli
mazlooma wohi bibi payambar ki thi beti
hai ye us gham khayi ke shohar ka janaza
hyder ka janaza...

ay momino rowo ke ali hogaye ruqsat
hai qaana e zehra may bapa ek qayamat
uth-ta hai zamane ke bahadar ka janaza
hyder ka janaza...

kis tarha bhala inki musibat likhe koi
rone ke liye momino jumla hai ye kaafi
hyder ka janaza hai ye hyder ka janaza ye
hyder ka janaza...

is waaste ghazi ne ki sarwar se wasiyat
maula nahi le jaana meri qaimo may mayyat
uth-ta nahi bhai se baradar ka janaza
hyder ka janaza...

hyder ke janaze ko bhi sarwar ne uthaya
irfan shahr phat-ta hai ye sunke kaleja
maidan se uth-ta nahi sarwar ka janaza
hyder ka janaza...
Noha - Hyder Ka Janaza

Nohaqan: Irfan Hussain
Download Mp3
Listen Online