hogaya matam bapa qatl huwe murtaza
kulsoom yehi karti thi noha
ghar fatema zehra ka luta, ay mere allah

jibreel ke lab par hai yehi bain hai matam
ay logon karo hyder e karrar ka matam
markhad may buka karti hai masooma e aalam
zainab ye buka karti hai lachaar hoo be-ham
sab bibyan ghash khaate hai gham se
fizza ke labon par ye sada, ay mere allah
hogaya matam bapa...

pahunchi ye sada arsh e oola se zameen par
shabbir se shabbar ne kaha haye baradar
taaza hai kaleje may abhi furqat e maadar
lo baap ka saaya bhi utha haye muqaddar
awaaz hai ye karbobala ka
dil roke yehi kehne laga, ay mere allah
hogaya matam bapa...

dete hai sada masjid e kufa may namazi
lo hum se juda hota hai kaunain ka ghazi
zakhmi hui sajde may jabeen sher r khuda ki
kaaba bhi buka karta tha mehrab e azaai
har ek namazi ki sada hai
ye to hai alam hum pe gira, ay mere allah
hogaya matam bapa...

dil thaam ke karti hai buka zainab e muztar
ye taygh e jafa kisne chalayi hai padar par
hasnain se kehti hai khabar lao to ja kar
logon ki buka sunke tadapti hai ye khwahar
ye naala o shehwan ki sada hai
hoti hai mere dil pe jafa, ay mere allah
hogaya matam bapa...

hal qissa juhin laal pisar zakhmi padar ko
sarwar ne kaha zainab o kulsoom se aao
tar khoon may baba ki jabeen hoti hai dekho
faryad behan karne lagi thaam ke dil ko
kya daaghe yateemi mai sahungi
ye gham hai qayamat se bada, ay mere allah
hogaya matam bapa...

jarraah ko bulwaye sarwar ke sukhan ke
wo aake mere baba ke is zakhm ko dekhe
thi zehr may doobi hui talwar suna hai
ye zehr kahin daaghe yateemi na dikha de
jarraah ne jab zakhm ko dekha
sar peet ke karta tha buka, ay mere allah
hogaya matam bapa...

ekeesvi ramzan qayamat ki sehar thi
koofe may sada goonj uthi haye ali ki
ghash khane lagi gham se yadullah ki beti
beton ne janaze ko utha kar ye buka ki
ab kaun raha sar pe hamare
baba ka janaza bhi utha, ay mere allah
hogaya matam bapa...

mazhar wo masayab to raqam ho na sakte
jo hyder o safdar ke maqatil may likha hai
ek samt se taboot uthaye thay farishte
ek samt se beton ne uthaya tha ye kehke
is gham ka mudawa nahi koi
jo aaj yateemon ko mila, ay mere allah
hogaya matam bapa...
Noha - Hogaya Matam Bapa
Shayar: Mazhar
Nohaqan: Mir Rehan Abbas
Download Mp3
Listen Online