hangame asr hai ye sheh khoon ugal rahe hai aur teer chal rahe hai
kul ambiya sirhane haathon ko mal rahe hai

kaisa koi sitara pur khasma hai saara
wo aandhiyan hai seeno may dil behal rahe hai
aur teer chal rahe hai
hangame asr hai ye...

yani na hai wo zeen par yani na hai zameen par
teeron pe shahe wala karwat badal rahe hai
aur teer chal rahe hai
hangame asr hai ye...

khoon to ragon may kya hai khushk is khadar gala hai
qaatil bhi thak ke apne khanjar badal rahe hai
aur teer chal rahe hai
hangame asr hai ye...

khud gardane katane shabbir ko bachane
jaane ko ran may haye kamsin machal rahe hai
aur teer chal rahe hai
hangame asr hai ye...

zakhmo se jo rawan hai haye lahoo kahan hai
ye noor e kibriya ke chashme ubhal rahe hai
aur teer chal rahe hai
hangame asr hai ye...

har sham roz jisko royegi yaad karke
wo sham dhal rahi hai qayyam jal rahe hai
aur teer chal rahe hai
hangame asr hai ye...

wo hogaya zamana shane se ta'ba shana
taboot chal raha hai kaandhe badal  rahe hai
aur teer chal rahe hai
hangame asr hai ye...

ek ay naved hai ye kul karbala ka haasil
hal min ke lafz se ke moo se nikal rahe hai
aur teer chal rahe hai
hangame asr hai ye...
Noha - Hangame Asr Hai
Shayar: Naved
Nohaqan: Sajid Hussain Jafri
Download Mp3
Listen Online