chand moharram ka nazar aagaya basgayi karbobala
haye ghazab hogaya, haye ghazab hogaya
fathima zehra ka bhara ghar luta
kat gaya shabbir ka sookha gala

maahe moharram may ye kya hogaya
kat gaya shabbir ka sookha gala

momino veeran madina hua
hogayi aabad magar karbobala
rotay hai marqad may rasool e khuda
kat gaya shabbir ka sookha gala
haye ghazab hogaya...
fathima zehra ka bhara...

haye wo ashoor wo karbobala
bhool na payenge ye ahle aza
aale mohamed pe thi kaisi jafa
kat gaya shabbir ka sookha gala
haye ghazab hogaya...
fathima zehra ka bhara...

hogayi pardes may barbadiyan
bayn ye karti rahi shehzadiyan
shaam talak jaayenge hum be-rida
kat gaya shabbir ka sookha gala
haye ghazab hogaya...
fathima zehra ka bhara...

jab huye abbas ke baazu ke qalam
hogaye be-aasra ahle haram
cheeni gayi paak saron se rida
kat gaya shabbir ka sookha gala
haye ghazab hogaya...
fathima zehra ka bhara...

saamne darya yuhin behta raha
kunba mohamed ka tadapta raha
teen shab o roz na pani mila
kat gaya shabbir ka sookha gala
haye ghazab hogaya...
fathima zehra ka bhara...
Noha - Fatema Zehra Ka Bhara Ghar
Shayar: Rehan Azmi
Nohaqan: Ali Shanawar / Ali Jee
Download Mp3
Listen Online