dil ki zaban pe naam rahega hussain ka
har ashke gham sunayega noha hussain ka

chalti hui galay pe hai shimr e layeen ki taygh
wo rayghe karbala e tadapna hussain ka
dil ki zaban pe....

laashe rasool karwate leti thi qabr may
jalti hui zameen pe tha laasha hussain ka
dil ki zaban pe....

phirta hai apni aankhon may jannat liye huwe
dekha hai jis kisi ne bhi rauza hussain ka
dil ki zaban pe....

us aadmi se poochiye azmat namaz ki
hai jisko yaad aakhri sajda hussain ka
dil ki zaban pe....

hone ko hai hussain ke lashkar ka khatema
aata hai ran may aakhri fidya hussain ka
dil ki zaban pe....

allah wo naqahate peeri ke ba-wajood
akbar ki laash ran se uthana hussain ka
dil ki zaban pe....

apno ka zikr kya hai tabarruk ke naam se
khaate rahenge ghair bhi sadqa hussain ka
dil ki zaban pe....

kya saqt imtehan thay sibte rasool ke
aasan nahi tha ghar ko lutaana hussain ka
dil ki zaban pe....

seene pe hai hussain ke shimr e layeen sawaar
jibreel ne jhulaya tha jhoola hussain ka
dil ki zaban pe....

yaade hussain bangayi zainab ki kayenaat
ankhon may phirta rehta hai chehra hussain ka
dil ki zaban pe....

maula madad ko aaiye apne hussain ki
koi nahi hai bekas o tanha hussain ka
dil ki zaban pe....

humko viqar khoon ke aansoo rulayega
qabre nabi pe ashk bahana hussain ka
dil ki zaban pe....
Noha - Dil Ki Zaban Pe
Shayar: Viqar Nagri
Nohaqan: Mirza Sikander Ali
Download Mp3
Listen Online