makke may kaaba meri jabeen ka
hai dil ka kaaba karbala may

ay aabe zam zam ke peene walon
koi hai pyasa karbala may

kyun hai baqqiya may ye udaasi
roza mohamed ka kyun hai khaali
bete ko rone baba ko lekar
aayi hai zehra karbala may
makke may...
hai dil ka...

bachon ko maayein jhoola jhula kar
batla rahi hai lori suna kar
dasvi moharam ko jal gaya tha
nanha sa jhoola karbala may
makke may...
hai dil ka...

jab mai madine se karbala ki
jaanib chala to awaaz aayi
pani pilana kyunke hai pyasa
mera nawasa karbala may
makke may...
hai dil ka...

shayad yahan ho shayad wahan ho
aaun kidhar mai baba kahan ho
poocho khuda se kitna chali hai
bali sakina karbala may
makke may...
hai dil ka...

yaad aa rahi hai wo dosti bhi
bachpan may jisne humko milaya
ibne mazahir ko sheh ne likha
mai hoo akela karbala may
makke may...
hai dil ka...

ek ek aayat ne siskiyan
ek ek surat bharti thi aahein
jab barchiyon par kuch hafizon ne
quran uthaya karbala may
makke may...
hai dil ka...

maara gaya ye kis ka mohamed
iska kaleja cheda gaya kyun
bolay musalman apne nabi ko
hum hi ne maara karbala may
makke may...
hai dil ka...

be-hurmati kyun karte ho meri
aayat to padte tatheer ki tum
roya musalman ki ghairaton par
zainab ka parda karbala may
makke may...
hai dil ka...

ammar is gham ne khoon rulaya
jo mustafa ke kaandhon pe baitha
ummat ne uske laashe ko haye
ghodon se raundha karbala may
makke may...
hai dil ka...
Noha - Dil Ka Kaaba
Shayar: Ammar Rizvi
Nohaqan: Syed Musayyab Rizvi
Download Mp3
Listen Online