jab dafn karne aaye tan e paash paash ko
abid pukaare dekh ke ghazi ki laash ko

chacha mai aap ki turbat banane aaya hoo
sakina ab bhi hai pyasi batane aaya hoo

bataun kaise chacha kya guzar gayi ham par
har ek shehr may maare gaye hame pathar
thi maaye phupiyan mere saath ay ali ke pisar
ye saare zulm ke khisse sunane aaya hoo
chacha mai aap ki...

haram ko chor ke koofe se aa raha hoo chacha
bata gaye hai tumhari wasiyatein baba
wahin ho qabr chida tha jahan pe mashkeeza
kiya tha sheh se jo waada nibhane aaya hoo
chacha mai aap ki...

hai teen roz se laashe pe dhoop ka saaya
ye haal dekh ke rota hai khoon dil mera
ghareeb hoo mai kafan tum ko de nahi sakta
tumhari laash ke tukde uthane aaya hoo
chacha mai aap ki...

sakina raah may naaqe se gir gayi thi abhi
wahi hai taaza riwayat kamar pe meri huwi
baha hai khoon jo is waqt aediyon se meri
layeen se khaake abhi taaziyane aaya hoo
chacha mai aap ki...

tumhare saamne aati hai sharm kehte huwe
ye baat karta bhala kaise saamne unke
abhi hai door yahan se bani asad waale
phupi ki chin gayi chadar batane aaya hoo
chacha mai aap ki...

layeen bachi ke gohar ko aise cheena tha
giri zameen pe sakina mai khoon rota tha
wo jis zameen pe kano se khoon tapka tha
wo khaak rakhne tumhare sirhane aaya hoo
chacha mai aap ki...

baghair inke tum uthre thay zeen se kaise
haram to lut gaye ye baazu kat gaye jab se
pade thay door ye laashe se aapke kab se
kate ye baazu badan se milane aaya hoo
chacha mai aap ki...

bana ke qabr takallum wo bola ro ro kar
yahan pe aayenge ab zayareen sham o sahar
jale qayaam ki rakh kar lahad par khaak magar
mai pehla farsh aza ka bichane aaya hoo
chacha mai aap ki...
Noha - Chacha Mai Aap
Shayar: Mir Takallum
Nohaqan: Mir Hassan Mir
Download Mp3
Listen Online