khafila dashte bala se jo suye sham chala
laashe abbas e alamdar pe zainab ne kaha
abbas abbas
chin gayi sar se rida koi baakhi na raha
abbas tere jaane ke baad

taane deta hai mujhe dekh ke yun shimr e layeen
teri awaaz pe abbas tera aata nahi
bangayi farshe aza tere liye ab ye zameen
sham jaana hi pada ye sitam mujhpe hua
abbas tere jaane...

roke kulsoom teri yaad may karti hai buka
teri haibat se kabhi siye nahi ahle jafa
kaisi badli ye tere baad zamane ki hawa
khush huwe ahle sitam so nahi paaye jo hum
abbas tere jaane...

raah may aale payambar ka dilasa mai bani
sham ke log tamashayi tamasha mai bani
zakhm sadaat ne paaye to maseeha mai bani
mai hi salaar bani mai alamdar bani
abbas tere jaane...

haye darbar may aale nabi aa pahunchi
aur sakina ko kaneezi may bulaata hai shaki
kissay faryad karoo tu bhi bata mere aqi
aur kya hoga sitam kitne lachaar hai hum
abbas tere jaane...

naam lekar jo sitamgar ne bulaya mujhko
amma fizza ne pasay pusht chupaya mujhko
yun bhi pardes may aada ne sataya mujhko
aise aalam may bhala kisko mai deti sada
abbas tere jaane...

hind zindan may aayi to ye kohraam utha
meri barbadi ka jab hind ne ehwaal suna
apna sar peet ke wo karne lagi wavaila
dekh kaisa hai sitam qaid hai ahle haram
abbas tere jaane...

tauq o zanjeer se sajjad jo azaad huwe
qabr pe bali sakina ke gay rote huwe
rukh suwe karbobala karke yehi bain kiye
seh nahi payi sitam dukhtare shahe umam
abbas tere jaane...

sham se mazhar o farhan rehaai jo mili
aaye maqtal may salami ke liye sab qaidi
ghutniyo chalti hui bhai ke markhad pe gayi
thay ye zainab ke sukhan margayi kyun na bahan
abbas tere jaane...

.
Noha - Abbas Tere Jaane
Shayar: Mazhar
Nohaqan: Farhan Ali Waris
Download Mp3
Listen Online


tanhaiyan sarghoshiyan
haan sakina ki hai ye fughan
mere gardan may baandhi gayi rassiyan
mere kaano se nochi gayi baaliyan
khoon behta raha dard badtha raha
taaziyane layeeno ke aur wo jafa
bhool paayi sakina kahan

mujhko kaanto pe paidal chalaya gaya
baap ka sar dikha kar rulaya gaya
tha wo kaisa safar bibiyan nange sar
ek ek zakhm se khoon behta raha
bhool paayi...

mai jo royi to mujhko tamache lagay
thak ke soyi ko abid ko durray lagay
beech bazaar may shehre aghyaar may
haye saadaat ka jo tamasha bana
bhool paayi...

bola darbar may aake yun ek shaki
tu kaneezi may ja haakime waqt ki
kaisa lamha tha wo kaisa sadma tha wo
roke us dam pukari mai haye chacha
bhool paayi...

mere baba ka sar tasht may tha rakha
ussay gustakhiyan karte thay ashkiyan
koi haami na tha kisko deti sada
ek ghayyur bete ko ghaiz aagaya
bhool paayi...

raah may pani aata mayassar agar
daal deti thi abid ki zanjeer par
har qadam ek jafa rona bhi jurm tha
darmiyan shaamiyon ke thi aale aba
bhool paayi...

poocha haakim ne darbar may shimr se
in aseeron may binte ali kaun hai
ro rahi thi phuphi thi wo kaisi ghadi
naam phupiyon ka leta tha wo be-haya
bhool paayi...

dil pe pathar rakha aur jeeti rahi
taaziyane layeeno ke sehti rahi
dushmano ka watan mai aseere mehan
jis jagah ek lamha tha ek saal sa
bhool paayi...

kamsini aur aseeri wo zindan ki
jis jagah maut bhi aake rone lagi
yaad nashtar bani khaak bistar bani
phi ye zindan meri lehad bangaya
bhool paayi...

ek paigham hai zaairon ko yehi
shab ko bibi ke rauze pe jao kabhi
ro rahi hai wahan ab bhi tanhaiyan
sunke aaye hai farhan o mazhar sada
bhool paayi...

.
Noha - Bhool Payi Sakina
Shayar: Mazhar
Nohaqan: Farhan Ali Waris
Download Mp3
Listen Online