haye hussaina, waye hussaina,
ay waye sakina, ay waye sakina

ye rukhsat e aakhir hai pukare shah e wala
ay zainab o kulsum rabab aur ruqayya
tum sab pe salaam aakhri allah ko saumpa
lipti hui qadmon se ye kehti thi sakina
ay kul ke madadgar madad karne ko aao
ya fatima zahra mere baba ko bachao
baba na kaho baba, tum saath raho baba
kuch hum se suno baba, aagay na bado baba
aaram karo baba, baraye dil e dukhtar
baraye dil e dukhtar, qaimon may chalo baba
ay kul ke madadgaar...
ya fatema zehra mere...

mai jaan gayi baba, pehchaan gayi baba
qurbaan gayi baba, talwaron may jaoge
phir tum bhi na aaoge, baraye dil e dukhtar
baraye dil e dukhtar, tum hum ko na tarpana
ay kul ke madadgaar...
ya fatema zehra mere...

baba ay mere baba, laazim hai agar jaana
ye humse karo waada, jab shab ka ho sannata
aur meri sada sun-na, baraye dil e dukhtar
baraye dil e dukhtar, tum laut ke aa jana.
ay kul ke madadgaar...
ya fatema zehra mere...

sheh bolay sakina jaan, sau jaan se mai qurban
is tarha na ho giryan, ek waada nibhana hai
ek qarz puraana hai, baraye dil e dukhtar
baraye dil e baba, tum aaj dua karna
ay kul ke madadgaar...
ya fatema zehra mere...

pursa hai sare maula rehaan o ali jee ka
karte thay haram nauha sarwar ne kaha beti
sarwar ne kaha beti, sa'at hai judaai ki
baraye dil e dukhtar, baraye dil e baba
maqtal na chali aana
Noha - Baraye Dil e Dukhtar
Shayar: Rehan Azmi
Nohaqan: Ali Jee
Download Mp3
Listen Online