ay hassan ke laadle qasim kahan ho tum
qasim kahan ho tum qasim kahan ho tum

rahi taaqat na ay qasim tere mazoor ammu ko
sukoon kyun kar milay qasim tere ranjoor ammu ko
sahara chahiye qasim tere majboor ammu ko
mujhe awaaz do qasim jahan ho tum
ay hassan ke laadle...

tumhi madar ki ay qasim zaeefi ka sahara hai
dare qaime se tujhko teri amma ne pukara hai
ke narghe may layeeno ke mere aankhon ka taara hai
mujhe awaaz do qasim jahan ho tum
ay hassan ke laadle...

tumhare saath ghazi ko agar mai bhejta ran may
tujhe wo leke aajate tumhari maa ki aangan may
ijazat deke mai tujhko phasa hoo mai bhi uljhan may
mujhe awaaz do qasim jahan ho tum
ay hassan ke laadle...

laga kar haath may mehendi chale ho janibe maqtal
palat kar jald aajao yahan qaimo may hai halchal
tumhari yaad may kubra tadap kar kehti hai pal pal
mujhe awaaz do qasim jahan ho tum
ay hassan ke laadle...

tere pamaal laashe ko agar dekhe wo bechari
badi mushkil hai jee paaye tere gham may wo dukhiyari
mere qasim dikhadi tune ghazi ki wafadari
mujhe awaaz do qasim jahan ho tum
ay hassan ke laadle...

huwe dunya se ruqsat qasim e tashnadahan aashiq
qalam ko choom kar rakh do basad aah o fughan aashiq
wo dekho aake pahunche hai munawar nauhakhan aashiq
mujhe awaaz do qasim jahan ho tum
ay hassan ke laadle...
Noha - Ay Hassan Ke Laadle
Shayar: Aashiq Ali
Nohaqan: Munawar Ali
Download Mp3
Listen Online