haye ali, haye ali
zehra se poocho kya hai aliyun waliullah
iske liye batool ka do baar ghar jala
baghdad, sham o kufa, khurasan o karbala
ummat ne fatema ko kahan dukh nahi diya
sab kuch lutaya deen ki hifazat ke waaste
zehra ujad gayi hai wilayat ke waaste

darbar may bachane gayi fathema zehra
aliyun waliullah, aliyun waliullah

sunta na tha madine may zehra ki koi baat
lekar hassan hussain ko har subho apne saath
ghar ghar pe yaad jaake ke dillati thi sayyeda
aliyun waliullah, aliyun waliullah

gham may abu turaab ke ghut ghut ke mar gayi
dar parda fatema ki wasiyat yehi to thi
aaye na wo janeze par jisne nahi padha
aliyun waliullah, aliyun waliullah

tooti hui thi phasliyan dam tha ruka hua
tha sayyeda pe jalta hua dar gira hua
phir bhi lab e batool pe jari thi ye sada
aliyun waliullah, aliyun waliullah

zainab pukari ay mere mazloom be watan
wada tumhari laash pe karti hai ye behan
ek din zaroor sham ki galiyon may goonjega
aliyun waliullah, aliyun waliullah

aaye najaf se shaam e ghariban may jab ali
zainab ye kehke apne padar se lipat gayi
khanjar talay bhi bhai ke zakhmi labon pe tha
aliyun waliullah, aliyun waliullah

boli sakina aaya jo zindan may sheh ka sar
kaise bataun shaam ka kaise kiya safar
gir gir ke khoon kano se deta raha sada
aliyun waliullah, aliyun waliullah

zindan may ek qabr banane ke waaste
hamsheer ka janaza uthaane ke waaste
nade ali ki shakl may sajjad ne padha
aliyun waliullah, aliyun waliullah

na mehramo ki nheed thi darbar e sham may
zainab ne deke khutba zabane imam may
be waqt ki azan may dabne nahi diya
aliyun waliullah, aliyun waliullah

maa ki lehad pe bain takallum thay beti ke
pehlu pe zakhm khaake bachaya tha aap ne
maine rida luta ke bacha hai ba khuda
aliyun waliullah, aliyun waliullah
Noha - Aliyun Waliulah
Shayar: Mir Takallum
Nohaqan: Mir Hassan Mir
Download Mp3
Listen Online