goonji ye sada zameen par parwardigar ki
aliyun wali-ullah, aliyun wali-ullah
mehnat ali ke laal ki rang laayi hai
sar deke apna shah ne wilayat bachayi hai

kya kya na gham uthaye wilayat ke waaste
laashon pe laashe laaye wilayat ke waaste
zakhmon pa zakhm khaaye wilayat ke waaste
iske liye hussain ne dunya lutaayi hai
mehnat ali ke...
sar deke apna...

barchi ko naujawan ka jigar pesh kar diya
asghar ke jaisa noor e nazar pesh kar diya
iske liye hussain ne ghar pesh kar diya
khud mar ke sheh ne umr e wilayat bachayi hai
mehnat ali ke...
sar deke apna...

marne ko sheh ke saamne chote bade gaye
honton pa apne pyas saja kar lade gaye
maidan may dua e wilayat pade gaye
ye shaan e karbala ke shaheedon ne payi hai
mehnat ali ke...
sar deke apna...

qurbani e hussain may aisi umang thi
dunya bahot nabi ke nawase pe tang thi
karbobla wilayat e hyder ki jung thi
qurbani e hussain tasavvur pa chayi hai
mehnat ali ke...
sar deke apna...

allah re batool ke farzand ka jigar
hone ko hogaya tha juda sheh ka sar se tan
maqsad se apni phir bhi hatayi nahi nazar
naize pe daastan e wilayat sunaayi hai
mehnat ali ke...
sar deke apna...

tha shah e deen ke khoon ka pyasa har aadmi
karbobala may lut-ti thi dunya hussain ki
dunya ko thi wilayat e hyder se dushmani
be-jurm taygh sookhe galay par chalayi hai
mehnat ali ke...
sar deke apna...

toda gaya pahaad ghamon ka imam par
baazu diye kise na wilayat ke naam par
pani tha band tifl e shahe tishnakaam par
qasim ne apne khoon se mehendi lagayi hai
mehnat ali ke...
sar deke apna...

qurbani e hussain ki daulat sambhal ke
pyase mujahidon ki amanat sambhal ke
rakhna dilon may apne wilayat sambhal ke
irfan ye shaheed e wafa ki kamayi hai
mehnat ali ke...
sar deke apna...
Noha - Ali un Waliullah

Nohaqan: Irfan Hussain
Download Mp3
Listen Online