aflaq pe rone ki matam ki sada jaye

mohtaj hai ye dunya dunya tumhein kya degi
shabbir ki madar hi bas tum ko dua degi
shabbir ka hai gham ye sauda na kiya jaye
aflaq pe rone ki...

matam hai shahe deen ka aaye hai ambiya bhi
mushkil kusha ke hamraah aaye hai mustufa bhi
matam ke taqaddus ko malhoos rakha jaye
aflaq pe rone ki...

rumale fatema ka phir payenge ye aansu
taskeen e dil e zehra ban jayenge ye aansu
ashkon ke samandar ka nazrana diya jaye
aflaq pe rone ki...

dar pesh aayi mushkil sab ro rahe wafa may
islam gir raha tha maidan e karbala may
abbas ne kaha jab haathon ko diya jaye
aflaq pe rone ki...

zainab ki fatema ki kulsoom ki sada hai
sabir dil e hazeen ki masoom ki sada hai
shabbir ka hai matam jee bhar ke kiya jaye
aflaq pe rone ki...

aankhon se ashq jaari seeno se lahoo jaari
shabbir ke matam may maut aaye to hai pyari
matam pe harf aaye to sar bhi diya jaye
aflaq pe rone ki...

maqtal may sar kataye ansar sab sidhare
mayyat jawan ki hai shabbir hai akele
laasha ali akbar ka kis tarha utha jaye
aflaq pe rone ki...

hal min ki ek sada ne maidan may usko laaya
gardan pe teer kha kar asghar ne muskuraya
pursa ali asghar ka zehra ko diya jaye
aflaq pe rone ki...

dil chor aaye ghazi pehlu e sakina may
abbas sar jhukaye hai nehr e alqama may
pyaso ko kis tarha se sehraab kiya jaye
aflaq pe rone ki...

mazloom ke nohe ko ro ro ke padha jaye
shabbir ki madar ko pursa yun diya jaye
iqbal sheh ka noha ashkon se likha jaye
aflaq pe rone ki...
Noha - Aflaq Pe Rone Ki

Shayar: Iqbal
Nohaqan: Anjuman e Masoomeen
Download Mp3
Listen Online